ԿԱՐԵՎՈՐ․ Ռուսաստանն սկսում է իր ուժերի տեղափոխումը Ֆինլանդիայի հետ սահման

ԿԱՐԵՎՈՐ․ Ռուսաստանն սկսում է իր ուժերի տեղափոխումը Ֆինլանդիայի հետ սահման

Ռուսաստանը սկսում է իր ուժերի տեղափոխումը Ֆինլանդիայի հետ սահման։ Այս մասին հայտնում են եվրոպական ԶԼՄ-ները։

Միաժամանակ, Ֆինլանդիան մտադիր է իր զինված ուժերը տեղակայել իր սահմանների մոտ նախքան ՆԱՏՕ-ին միանալը։

Հիշեցնենք, որ նախօրեին Ֆինլանդիայի նախագահն ու վարչապետը պաշտոնապես հայտարարել էին ՆԱՏՕ-ին միանալու ցանկության մասին, որին հաջորդել էր ՌԴ նախագահի խոսնակ Պեսկովի հայտարարությունն առ այն, որ Ռուսաստանի Դաշնությունը կվերլուծի ՆԱՏՕ-ին Ֆինլանդիայի անդամակցության հետ կապված իրավիճակը և կմշակի անվտանգության ապահովման համար անհրաժեշտ միջոցներ։

Այսպիսով՝ Ֆինլանդիայի նախագահն ու վարչապետը պաշտպանում են ՆԱՏՕ-ին անդամակցելու հայտ ներկայացնելու որոշումը:

Ավելի վաղ Ֆինլանդիայում խորհրդարանի անդամների մեծամասնությունն արդեն արտահայտվել է ՆԱՏՕ-ին անդամակցելու օգտին։ Սոցիալ-դեմոկրատական կուսակցությունից Ֆինլանդիայի խորհրդարանի փոխնախագահ Էրկկի Տուոմիոյան նշել է, որ արդեն պարզ է, որ նման որոշմանը սատարում է «խորհրդարանի անդամների ճնշող մեծամասնությունը, որը ցանկանում է որքան հնարավոր է շուտ Ֆինլանդիան տեսնել» դաշինքում։

Շվեդիայի իշխող Սոցիալ-դեմոկրատական աշխատավորական կուսակցությունն ավելի վաղ հայտնել էր, որ Հյուսիսատլանտյան դաշինքին երկրի անդամակցության վերաբերյալ որոշումը կկայացվի մայիսի 12-ին, որից հետո կուսակցության վարչությունը պետք է համապատասխան որոշում կայացնի։ Եթե որոշումը դրական լինի, անդամակցության հայտ կուղարկվի ՆԱՏՕ-ին, քանի որ մյուս կուսակցություններն արդեն պաշտպանել են նման քայլը։ Խորհրդարանի կուսակցությունների մեծ մասը նաև դեմ է արտահայտվել այդ հարցով համապետական հանրաքվեի անցկացմանը:

Rate this item
(0 votes)

Լրահոս

© 2022 Lurer24.com All Rights Reserved