Թղթային զրոյական տեղեկանք այլևս չի պահանջվի նաև անշարժ գույքի առուվաճառքի գործընթացի մասով

Թղթային զրոյական տեղեկանք այլևս չի պահանջվի նաև անշարժ գույքի առուվաճառքի գործընթացի մասով

Երևանի փոխքաղաքապետ Սուրեն Գրիգորյանը իր ֆեյսբուքյան էջում հայտնում է․ «Սույն թվականի մարտի 10-ին հայտնել էի, որ 01.04.2022 թ․-ից կվերացվի պարտավորությունների վերաբերյալ թղթային զրոյական տեղեկանք ներկայացնելու պահանջը ավտոմեքենայի առուվաճառքի, ինչպես նաև ավտոմեքենայի խոտանման գործընթացում։ Ինչը և կատարվեց։

Ուրախությամբ տեղեկացնում եմ, որ սույն թվականի հուլիսի 4-ից նույն կարգավորումները սկսել են գործել նաև անշարժ գույքի առուվաճառքի գործընթացի մասով։ Նոտարի մոտ կամ Կադաստրում գործարք կնքելիս քաղաքացիներն այլևս ստիպված չեն լինի թղթային զրոյական տեղեկանք ներկայացնել վերջիններիս։ Փոխարենը տվյալները հասանելի կլինեն էլեկտրոնային եղանակով։ Նախորդ շաբաթվա ընթացքում էլեկտրոնային եղանակով իրականացվել է 2033 հարցում։

Շնորհակալություն եմ հայտնում մեր՝ ՀՀ Կառավարության, ՀՀ ԿԱ Կադաստրի կոմիտեի, VX Soft և Best Soft ընկերությունների գործընկերներին կատարած աշխատանքի համար»։

Rate this item
(0 votes)

Լրահոս

© 2022 Lurer24.com All Rights Reserved