Նիկոլ Փաշինյանը կապիտուլյացիա է ստորագրել և պետք է հեռանա։ Անգամ սպորտում երբ թիմը պարտվում է, գլխավոր մարզիչ է փոխվում, էլ ուր մնաց, թե պետության պարտությունից հետո ղեկավարը մնա իր տեղում։ Այս մասին գրառում է կատարել «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը: Նա մասնավորապես գրել է.

Նա սպառնաց, որ կապիտուլյացիան տանելու է մինչև վերջ՝ մինչև վերջին հայը և մինչև Հայաստանի վերջը։ Դա ի՛ր ընտրությունն է։ Ոտքերով կամ ձեռքերով առաջ տարբերակով հեռանալու ընտրությունը։

Հիմա մե՛ր ընտրության մասին։

Կա՛մ Հայաստան ու Արցախ, կա՛մ Փաշինյան։ Ընտրությունը յուրաքանչյուրինս է, այդ թվում՝ «Իմ քայլը» խմբակցության պատգամավորներինը։ 

ՀՀ ամեն մի քաղաքացի պետք է որոշի՝ կանգնել քաղաքական դիակ Նիկոլի կողքին, ցնցումների տանել երկիրը ու թաղվել նրա հետ մեր պատմության աղբանոցո՞ւմ, թե՞ կանգնել մեր երկրի կողքին։ Երկիր, որի գոյության գլխին լրջագույն սպառնալիքներ են կախվել նիկոլական կապիտուլյացիայի արդյունքում (շատերը դեռ տաք են ու չեն զգում, թե ինչ է տեղի ունեցել), և որի վերածննդի համար հսկայական ջանքեր է պետք գործադրել»: