Լուրեր
Լուրեր

Լուրեր

Նիկոլ Փաշինյանը հոգեկան խանգարումներ ունի, նա չի պատկերացնում, թե ինչ է բանակը, ինչ է պատերազմը և երբ ինչ է կատարվել: Այս մասին Tert.am-ի հետ զրույցում ասաց ՀՀ ՊՆ ռազմական վերահսկողական ծառայության նախկին պետ, ՀՀ ԶՈւ գլխավոր շտաբի նախկին պետ Մովսես Հակոբյանը՝ անդրադառնալով Նիկոլ Փաշինյանի հայտարարությանը։

Հիշեցնենք, որ Փաշինյանն ասել էր, թե 9-րդ պաշտպանական շրջանը ճեղքվեց՝ հանգեցնելով աղետի, և այն գեներալը, ով իր ապօրինի միջամտություններով առնվազն կիսում է պատասխանատվությունը այդ ձախողման համար, հիմա ասուլիսներ է տալիս, չակերտավոր բացահայտումներ անում՝ մոռանալով հիշեցնել, որ իր ժամանակներում 42 միլիոն դոլար մսխելու փաստի առիթով, անպիտան զենք գնելու փաստի առիթով քրեական գործ է հարուցված Ազգային անվտանգության ծառայությունում առնվազն մի դրվագով, մյուս դրվագով հետաքննություն է ընթանում:

«Ինձ համար մտահոգիչ չէ, թե իրավապահներին ինչ պիտի ասի, որ անեն, ինձ համար մտահոգիչ է հայրենիք կորուստը, ինչը արդեն փաստ է»,- ասաց գեներալ-գնդապետը:

Ինչ վերաբերում է Փաշինյանի մատնանշած 42 մլն դոլարի անպիտան զենք ձեռք բերելու գործին, ապա Մովսես Հակոբյանն ասաց։

«Թող հարցնի Անդրանիկ Քոչարյանին, իր հետ խոսել է այդ մասին, որոշակի տեղեկություններ ունի և հարցրեք քննչական մարմիներին, թե իմ դերակատարությունը որն է եղել: Այդ մարդը հիվանդ է, հիվանդ: Հոգիս հանգիստ է, ես հայրենիք չեմ տվել»,- ասաց նա:

Մովսես Հակոբյանն անդրադարձավ նաև Նիկոլ Փաշինյանի այն հայտարարությանը, թե Աննա Հակոբյանը հրամանատարական շտաբում Պաշտպանության բանակին բարոյական աջակցություն, զորակցություն հայտնելու նպատակով է եղել, ասաց, որ թող նախ բացատրեն՝ ինչու էին սկզբում ստել, հետո էլ ասել էին, թե Մովսես Հակոբյանը կորոնավիրուսով է վարակված եղել, դրա համար են հանել, ինչը, նրա խոսքով՝ այդպես չէր:

«Երկրորդը՝ հարցրեք հրամանատարական շտաբում գտնվողներին, թե ում բարոյահոգեբանական վիճակն է բարձրացրել, կարծում եմ՝ արդյունքները փաստում են՝ բարձրացրե՞լ է, թե ոչ»,-ասաց նա:

Տիգրան Աբրահամյանը ֆեյսբուքյան իր էջում գրել է.

 
«Վերջը կոլխոզում ժիվոյ մարդ կա՞, Քաշաթաղցիներին ինչ որ մեկը մարդավարի կասի՞, թե այդ մարդիկ ինչ անեն։
 
Քաշաթաղի վարչակազմը երեկ հայտարարություն տարածեց, որը ոչ հերքում, ոչ էլ հաստատում էր շրջկենտրոն Բերձորի՝ Ադրբեջանի վերահսկողության տակ անցնելը. միայն հասկացանք, որ դեռ քննարկում են։
 
Այն նույն Բերձորի հարցն է դեռ քննարկվում, որտեղով անցնում է Գորիս-Բերձոր-Ստեփանակերտ ճանապարհը։

Փաստորեն, նոյեմբերի 9-ին Ադրբեջանի հետ համատեղ հայտարարություն ստորագրողը, ով Արցախի տարածքի ահռելի մասը հանձնեց Ադրբեջանին, նույնիսկ դա չի քննարկել՝ խիստ վտանգի տակ դնելով Արցախը ՀՀ-ին կապող միակ ցամաքային ճանապարհը։

Իսկ մարդիկ դեռ չգիտեն՝ ի՞նչ անեն, ունեցվածքը տեղափոխե՞ն, թե՞ ոչ։ Թողել եք վերջին օրը բանակցեք, որ մարդիկ չկարողանա՞ն եղածը տեղափոխեն։

Չեք մարսելու»։

«Փաստ» թերթը գրում է. «ՀՀ-ում ընթացող ներքաղաքական զարգացումների ֆոնին ակնհայտ է դառնում, որ Նիկոլ Փաշինյանը ողջ քաղաքական դաշտում մնացել է մենակ, քանի որ, ըստ էության, նրան ոչ մի քաղաքական ուժ չի աջակցում։ Չի աջակցում նաև հանրության գերակշիռ մեծամասնությունը:

«Փաստ» թերթի տեղեկություններով, Փաշինյանն այսօր վստահության և աջակցության խնդիրներ ունի նաև սեփական թիմի ներսում։ Մեր աղբյուրը փոխանցել է, որ իշխանական թիմում ևս առկա են որոշակի կուլիսային տարաձայնություններ ու անհամաձայնություններ «շեֆի» գործողությունների հետ։
 

Ավելին, որոշ նախարարներ ու պատգամավորներ անգամ իրենց նեղ շրջապատում են դժգոհում, թե՝ «դե, մեր ձեռն ի՞նչ կա, մեզ չի թողնում ոչ մի բանի խառնվենք»։

Մեր տեղեկություններով, թիմի ներսում նրանց, ովքեր հրապարակային պաշտպանում են հեռացող Փաշինյանին և «կուրծք ծեծում» նրա համար, կես կատակ-կես լուրջ անվանում են «Նիկոլի մահապարտներ», իսկ տեղեկատվական դաշտը, որտեղ այդ «մահապարտները» «կռիվ են տալիս», անվանում են «առաջնագիծ»: Մի խոսքով՝ յուրօրինակ ներքին «պատերազմ» կամ՝ «կռիվ-կռիվ»»:

«Չնայած Սամվել Բաբայանը «հանցավոր» որակեց Հայաստանի և Արցախի ղեկավարների կայացրած որոշումը և որպես բողոքի նշան՝ նոյեմբերի 10-ին հայտարարեց, որ դադարեցնում է Արցախի ԱԱԽ քարտուղարի լիազորությունները և չեղարկում Արայիկ Հարությունյանի հետ իր կուսակցության հետընտրական համաձայնագիրը, որի արդյունքում իր թիմակից պաշտոնյաները՝ նախարար և փոխնախարարներ, հրաժարականի դիմումներ գրեցին, սակայն Արցախի ԱԺ-ում նրա թիմը ստվերային աջակցություն է ցուցաբերում «Ազատ հայրենիքին»։ Նրա կուսակիցները չեն հրաժարվել ԱԺ հանձնաժողովների նախագահի, տեղակալի պաշտոններից։

Ավելին՝ նրանք մերժում են ընդդիմադիրների բոլոր նախաձեռնությունները՝ հրավիրել արտահերթ նիստ և լսել կառավարության պարզաբանումները։ «Արդարություն» խմբակցության պատգամավոր Դավիթ Գալստյանն ասում է, որ Բաբայանի թիմակիցներն անհասկանալի պահվածք են դրսևորում, թե ինչու՝ չգիտի, բայց զարմացած է Բաբայանի հրապարակային հայտարարությունների և խմբակցության պահվածքի հակասություններից։

«Հայաստանից լսում ենք, որ ցանկանում են մի ծրագիր իրագործել՝ Սամվել Բաբայանին հանձնել իշխանությունը»,- ասաց նա՝ առաջարկելով այս համատեքստում դիտարկել Բաբայանի խմբակցության պահվածքը»,-գրում է թերթը:

Նյութն ամբողջությամբ կարդացեք թերթի այսօրվա համարում:

«Սիրելի հայրենակիցներ, իմ կարծիքով, հայ հասարակությունը համաձայն է նրա հետ, որ այն իրավիճակում, որում ստորագրվել է այդ փաստաթուղթը, ուրիշ իրական այլընտրանք չի եղել, որն ավելի լավը կլիներ մեզ համար»,- ռուսական «ՏԱՍՍ» գործակալությանը տված հարցազրույցում հայտարարել է վարչապետ Նիկոլ Փաշինյանը՝ անդրադառնալով նոյեմբերի 9-ին ստորագրված հայտնի փաստաթղթին։ 

Սա նոր գաղափար չէ, որ շրջանառվում է Նիկոլ Փաշինյանի կողմից։ Սկսած նոյեմբերի 9-ին խայտառակ կապիտուլյացիոն փաստաթղթի ստորագրման մասին ազդարարող տեքստից մինչև դրան հաջորդած իշխանական չքմեղացումներ, կրկնվում է նույն միտքը՝ այդ փաստաթղթին այլընտրանք չկար։ Կրկնվում է ստորաբար ու նենգորեն, որովհետև այդ մտքին կցվում է այն մտագարությունը, թե այլընտրանքը նոր հազարավոր զոհերն էին։ Այսինքն՝ Նիկոլ Փաշինյանը սեփական տապալումը, շուրջ 5 հազար զոհերի հասցրած պատերազմի անփառունակ ավարտը փորձում է վաճառել հասարակությանն այն փաթեթավորմամբ, թե ինքն ուղղակի փրկչական դեր է կատարել՝ ստորագրելով այդ փաստաթուղթը և փրկելով հազարավոր զոհերի։ Թաքնված միտքն ակնհայտ է ու ամենևին թաքնված չէ՝ հասարակությունը պետք է շնորհակալություն հայտնի Նիկոլ Փաշինյանին այն բանի համար, որ նա կարող էր շարունակել իր արկածախնդրությունը և զոհել ևս 5 կամ 10 հազար զինվորների կյանքեր։

Նիկոլ Փաշինյանը հավատարիմ է իր տեսակին ու կերպին։ Նա շարունակում է երկիրը ղեկավարել էժանագին հոդվածագրության սկզբունքով։ Տրամաբանության հիմքում պարզունակ շանտաժն է․ եթե հոդվածի դեպքում դա արտահայտվել է հոդվածի հերոսի հասցեին զրպարտությամբ, որը կամ որի բացառումը վաճառվել է նույն այդ հերոսին, ապա հիմա հերոսի դերում հասարակությունն է, որին վաճառվում է հնարավոր զոհերի փրկության մասին զառանցանքը։ Գործարքի գինը իշխանությունն է, Նիկոլ Փաշինյանի՝ իշխանությանը մնալու հնարավորությունը։

Եվ հիմա գնդակը հասարակության դաշտում է՝ կամ նա կընդունի Նիկոլ Փաշինյանի առաջարկած գործարքն ու կգնի «կեղծ փրկության» թեզը, կամ առաջին ու վերջին անգամ չի տրվի Փաշինյանի մանիպուլյացիային՝ վճարելու փոխարեն՝ համապատասխան վճար պահանջելով Նիկոլ Փաշինյանից։ Գինը կրկին իշխանությունն է։

Այլընտրանքի բացակայության մասին Նիկոլ Փաշինյանի պնդումն իրականում սեփական իշխանության տապալման մասին արձանագրում է։

Քաղաքականությունն ընդհանրապես, իշխանությունը՝ մասնավորապես, այլընտրանքների որոնման արվեստ է։ Հենց այլընտրանքների ինստիտուտն է ընկած կառավարման փիլիսոփայության հիմքում։ Անգամ դասական սահմանմամբ, կառավարչական որոշումը հնարավոր այլընտրանքներից մեկի ընտրության գործընթացն է։ Հետևաբար, այն պահին, երբ կառավարող սուբյեկտը արձանագրում է այլընտրանքի բացակայությունը, ճիշտ այդ պահին այն պետք է վայր դնի լիազորությունները և հեռանա, որովհետև՝ չկա այլընտրանք, չկա կառավարում։ Իմա՝ առանց այլընտրանքի իշխանությունն այլևս իշխանություն չէ։ Եվ ուրեմն, հայտարարելով այլընտրանքի բացակայության մասին, Նիկոլ Փաշինյանն իրականում հայտարարել է սեփական հրաժարականի մասին։ Մնացածը, ինչպես ասում են, տեխնիկայի հարց է։ Հիմա արդեն հասարակությունը պետք է որոշի՝ կա՞ արդյոք այլընտրանք Նիկոլ Փաշինյանին, թե՞ ոչ։
Այլընտրանք չունեցող հասարակությունները սովորաբար չեն ունենում նաև պետականություն և զարգացման հեռանկար։ Պատմությունը չի ներում այլընտրանք չունեցող հասարակություններին։

Հարություն Ավետիսյան

ՀԳ Նիկոլ Փաշինյանն իր քաղաքական կարիերան 2000-ականներին սկսել է «Այլընտրանք» հասարակական-քաղաքական նախաձեռնությամբ, որի հիման վրա ձևավորվել է «Իմպիչմենթ» դաշինքը։ «Այլընտրանքով» հրապարակ ու իշխանության եկած գործիչն այսօր հայտարարում է այլընտրանքի բացակայության մասին։ Եվ ուրեմն հասարակությանը մնում է իրագործել նրա քաղաքական ճանապարհի մյուս հանգրվանի կարգախոսը՝ իմպիչմենթ։

7-ամյա Գևորգը հազիվ էր հասցրել Արցախում մեկ ամիս դպրոց գնալ, երբ պատերազմ սկսվեց ու տեղափոխվեցին Երևան: Պարույր Սևակի անվան դպրոցի առաջին դասարանում Գևորգը միակ Արցախցին է` Բերձորից: Այսօր մոր հետ եկել է արցախցիների համար Երևանում բացված շտաբ, որ իմանա` ի վերջո մնո՞ւմ են, թե գնալու են, թեպետ նրանց տունն այլևս չկա:

Գևորգի հայրը 2016 թվականին պահել էր հայրենիքը ու զոհվել հերոսաբար: Այսօր հանձում են նրա պաշտպանած հողը: Գևորգի տատիկը՝ տիկին  Ջեմման, չգիտի, հնարավորության դեպքում գնա՞լ, թե մնալ, անվտանգության ոչ մի երաշխիք չի տեսնում Արցախում, ասում է՝ ամեն կողմից շրջապատված են լինելու ադրբեջանցիներով:

«Լաչինը ունի թևեր, որ ձորին մոտ է, կես կիլոմետրի վրա թուրքը շատ հանգիստ ներքևով կգա, ինչ կուզի կանի»,- ասաց Արցախից Երևան տեղափոխված  Ջեմմա Պետրոսյանը:

Քրիստինեն Քաշաթաղից էր, ամուսինը Սիրայից էր տեղափոխվել: Միասին աշխատել էին, տուն կառուցել: Պատերազմից օրեր անց, 2 անչափահաս երեխայի հետ  դատարկաձեռն եկել է Երևան: Ամուսինն էլ այդ ընթացքում դիրքերում էր, ո՛չ կարողացել են գույքը հանեն, ո՛չ էլ անասունը: Շտաբում ասել են, եթե ուզում եք գնալ վարձով ապրել, կօգնեն մինչև 50 հազար դրամի չափով, բայց տան տիրոջ հետ պիտի պայմանագիր կնքեն, սեփականատերերն էլ չեն համաձայնում հարկային դաշտ մտնել:

«Տան տերերը չեն համաձայնում, ասում են՝ ձեր խնդիրների հետ միասին որտեղ ուզում եք գնացեք, ապրեք: Գալիս ենք, ժամերով հերթ ենք կանգնում, նորից հետ գնում, ասում են գույք եք կորցրել, Ալիևից պահանջեք, ինչքա՞ն պիտի էսպես ապրենք»,- ասաց Քրիստինե Միքայելյանը։

Տիկին Մարգարիտն էլ Կովսականում էր ապրում, աշխատավայրում էր, երբ ասել են, որ ադրբեջանցիները մոտ են ու առանց վայրկյան կորցնելու միակ թոռան հետ եկել է Երևան: Հետ վերադառնալ, անգամ Ստեփանակերտ՝ չի ուզում, վախը սրտում ապրել չեն կարող: Եկել է շտաբ, բայց ասել են՝ ոչնչով չենք կարող օգնել:

«Ուղարկեցին քաղաքապետարան, թե մենք ոչնչով չենք կարող օգնել, գնացեք դիմեք քաղաքապետարան, թող տուն տան, սենյակ հատկացնեն, կամ հանրակացարանում՝ մնացեք: Այնտեղ սնունդ էլ կտան, իսկ այստեղ մենք ոչնչով չենք կարող օգնել»,- ասաց  Մարգարիտ Թումանյանը:

Ազնիվն էլ 7 երեխա ունի, ամենամեծը 13 տարեկան է: Քաշաթաղի շրջանից էր, չհասցրեցին վայելել իրենց նորակառույց տունը: Այստեղ մեծ ընտանիքով մեկ սենյակում են ապրում: Սենյակը կիսել են ու 5 երեխա նույն մահճակալին է քնում, իսկ շտաբում դեռևս տվյալներն են վերցնում:

 

Մանրամասները՝ տեսանյութում։

Ռուսաստանի հայերի միությունը` ի դեմս նախագահ Արա Աբրահամյանի պահանջում է Նիկոլ Փաշինյանի հրաժարականը։

Այս մասին տեղեկանում ենք Ռուսաստանի հայերի միության տարածած հաղորդագրությունից։

ՌԴ Հայերի միությունը առաջարկում է`

– Սահմանադրական ճանապարհով ընտրել նոր վարչապետ և ձևավորել ճգնաժամային կառավարություն

– Վարչապետ ընտրել այն քաղաքական առաջնորդին, որը ունի ճգնաժամից երկիրը դուրս բերելու հստակ տեսլական – Այնուհետև մեկ տարի անց կազմակերպել արտահերթ ընտրություններ
 
– Վերացնել «սեւ-սպիտակ» տարանջատումները:

Աննա Հակոբյանի ականջներից պետք է բռնեին ու դուրս շպրտեին Ստեփանակերտից․

Հրանտ Բագրատյան

Մանրամասները՝ տեսանյութում

Վարչապետ Նիկոլ Փաշինյանի գրառումը, թե Ֆրանսիայի Սենատի կայացրած որոշումը, որով Արցախի միջազգային ճանաչումը մտնում է միջազգային օրակարգ՝ պատմական է, քննադատությունների առիթ է տվել։

Գրառման ներքո հանրային ճանաչում ունեցող գործիչները եւ պարզապես ֆեյսբուքյան տարբեր օգտատերեր իրենց վրդովմունքն են արտահայտել։ Օրինակ, ռազմական փորձագետ Կարեն Վրթանեսյանը գրել է․

«Հա, էսա ֆրանսիական նավերը թափով կբարձրանան Արցախի լեռները... Բայց իրենց այնտեղ արդեն թուրքերն են դիմավորելու, որովհետեւ մարդա մեկն առանց կրակոցի հանձնել է Քարվաճառը, Քաշաթաղը, Աղդամը»։

Իրավապաշտպան Ռուբեն Մելիքյանն արձագանքելով գրառմանը, նշել է․ «Պատմականը Ձեր դավաճանությունն էր։ Իսկ այդ որոշումն ավելի փոքր արժեք ունի, քան թշնամուն հանձնվող որեւէ թումբ։ Հերի՛ք է մարդկանց թմրեցնեք «Արծրունական իրականությաբ»։

«Էլի սկսար մարդկանց էշի տեղ դնել? Սենատի ճանաչելը դեռ նախագահը պտի հաստատի! ԱՄՆ-ն էլ Ցեղասպանությունն իբր ճանաչեց ՝ հետո? Այ սեն էշի տեղ դնելով ժող ջանես պահում ! Բայց ասեմ որ ժողջանին Հասնումա»,- գրել է  օգտատեր Կարեն Ավետիսյանը։

 Գրառման ներքո ֆեյսբուքյան օգտատերերը հիմնականում գրում են, որ Նիկոլ Փաշինյանը  հող հանձնող է եւ կրկին փորձում է հանրությանը մոլորեցնել։

«Էլի մուտիլովկա ես անում ՞՞՞ Սենատը ընդամենը կոչ ա արել այ #հողատու ու Արցախ ես թողել, որ ճանաչեն ՞»,- գրել է օգտատեր Դավիթ Հայրապետյանը։

«Քո արածն էլ ա պատմական՝ պատմական դավաճանություն այ ազգադավ սրիկա»,- նման մեկնաբանություն է թողել Արման Հայրապետյան անունով օգտատերը։

«Դավաճան նիկոլ, թուրքի հետ համագործակցելով Արցախը ոչնչացրեցիր ու հիմա սենատի որոշումից ես հրճվո՞ւմ: Հերթական անգամ հիմարացնում ես ժողովրդի՞ն: ինքդ էլ լավ գիտես, որ դա ոչ մի արժեք չունի: Բավական է, հեռացի՛ր»,- գրել է Արմինե Սիմոնյանը։

Որոշ օգտատերեր էլ Նիկոլ Փաշինյանին հարցնում են, թե ռազմական գործողությունների ավարտից հետո ինչո՞ւ հայկական կողմից գերեվարումներ կան։

«Այսօրվա դրությամբ ինչու են զինվորներ գերեվարվում ? Ինչի օպերատիվ չեք կազմակերպում դիրքի, բնագծի հանձնում ? թուրքը գալիս կանգնումա ու պահանջում ազատել դիրքը, ձեռի հետ էլ գերիա վերցնում, Հիմա դավաճան չկա, իբր բացահայտել ես, ովա խանգարում ? նսխկինները ? Տիգրան Մեծը թե Աշոտ Երկաթը ? թե թե Հայկ Նահապետը»,- գրել է Գայանե Խաչատրյան անունով օգտատերը։

Mediaport-ն արդեն հայտնել է, որ Հայաստանի արտաքին գործերի նախարարությունն այսօր շտապ հանձնարարական է իջեցրել բոլոր երկրներում գործող ՀՀ դեսպաններին՝ պահանջելով սեղմ ժամկետներում կազմակերպել Նիկոլ Փաշինյանի կնոջ հեռախոսազրույցները այլ երկրների առաջին տիկնանց հետ՝ նրա վարկանիշը բարձրացնելու համար:

Քանի որ ԱԳՆ-ին հանձնարարված է հերքել տեղեկությունը, հրապարակում ենք փաստաթուղթը:

ԼՐԱՀՈՍ