Թշնամին փորձել է Մարտունի-Ճարտար ուղղությամբ ճեղքել բնագիծը. հարավում ունենք դիրքային առավելություն

Թշնամին փորձել է Մարտունի-Ճարտար ուղղությամբ ճեղքել բնագիծը. հարավում ունենք դիրքային առավելություն

By Հոկտեմբերի 30, 2020 109

Հյուսիսային ուղղությամբ ոչ երկար հրետանային պատրաստությունից հետո հետեւակային ուժերով փորձել են գրոհել մի քանի դիրքերի ուղղությամբ, անմիջապես կոտորվել են, կրել են լուրջ կորուստներ, հետ են շպրտվել՝ դաշտում թողնելով զգալի թվով դիակներ։ Այս մասին այսօր՝ հոկտեմբերի 30-ին, հրավիրված ասուլիսի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը։

Նա նշեց, որ այսօր ամբողջ օրը մարտերը շարունակվել են նաեւ հարավային ուղղությամբ՝ Արաքս գետից հյուսիս՝ մի քանի բարձունքների ուղղությամբ. «Մեր Զինված ուժերն ունեն որոշակի դիրքային առավելություններ, բայց մարտերը շարունակվել են, հստակ որեւէ բան այս ուղղությամբ նշել այս պահին չեմ կարող»։
 
Հովհաննիսյանն ասաց, որ Մարտունի-Ճարտար ուղղությամբ ամբողջ օրը փորձել են ռազմաճակատը ճեղքել՝ բավական ինտենսիվ մարտական գործողություններով. «Հիմնականում ոչ զրահատեխնիկայի կիրառությամբ  գրոհիչ խմբեր՝ հրետանու բավականին խիտ կրակի ներքո։ Մեր Զինված ուժերը չեն ընկրկել, այս ուղղությամբ դիրքային փոփոխություն չկա, բայց մարտերը համառ են։ Շուշիի մերձակա գյուղերի ուղղությամբ զգալի խմբեր են չեզոքացվել, ռազմաբազա է չեզոքացվել։ Մարտերը շարունակվում են»։
Rate this item
(0 votes)

ԼՐԱՀՈՍ