Lurer24
Lurer24

Lurer24

Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.

Այսօր ՀՀ երրորդ նախագահ Սերժ Սարգսյանի ծննդյան օրն է: Հայաստանի հանրապետական կուսակցության (ՀՀԿ) երիտասարդական կառույցը տեսանյութ և ուղերձ է հրապարակել ֆեյսբուքյան էջում, որում ասովում է.

«Մեծարգո՛ պարոն Նախագահ, ի սրտե շնորհավորում ենք Ձեզ ծննդյան օրվա կապակցությամբ:

Կանգնած լինելով հայկական երկու հանրապետությունների և հայոց հերոսական բանակի կազմավորման ակունքներում` Դուք արել և անում եք հնարավորը հայ ժողովրդի շահերի պաշտպանության, նրա միասնականության ամրապնդման, միջազգային ասպարեզում Հայաստանի դերի բարձրացման ուղղությամբ:

Մեկ անգամ ևս շնորհավորում ենք Ձեզ ծննդյան տարեդարձի առթիվ և մաղթում քաջառողջություն, ուժ և եռանդ, որպեսզի շարունակեք Ձեր ազգանվեր ու հայրենանվեր գործունեությունը։

Եվ ինչպես նշել եք Ձեր խոսքերում՝ մենք միասնությամբ ենք ուժեղ, իսկ ուժը հաղթանակ է»։

 

Ռուսաստանի նախագահ Վլադիմիր Պուտինն իսկապես հիվանդ է, բայց նրա հիվանդությունը որոշ չափով ավելի բարդ է, քան այն, որի մասին տեղեկություններ են տարածվում։ Այս մասին ամերիկյան NBC հեռուստաալիքին տված հարցազրույցում ասել է Ուկրաինայի նախագահ Վլադիմիր Զելենսկին, գրում է ՈՒՆԻԱՆ-ը։

Ըստ նրա՝ սա հիվանդություն է ուկրաինացիների հանդեպ։ «Ես չգիտեմ, թե ինչ է կատարվում Վլադիմիր Պուտինի հետ: Կարծում եմ, որ դա մեծ հիվանդություն է, բայց այն ավելի բարդ է, քան այն հիվանդությունը, որի մասին դուք խոսում եք։ Դա հիվանդություն է մեր ժողովրդի հանդեպ հարգանքի հարցում, զավթման, խոշտանգումների հիվանդություն, որ նրանք իրագործել են մեր հողում», ասել է նախագահը:

Նա ընդգծել է, որ Ռուսաստանում հիվանդ է ոչ միայն Պուտինը. «Ցավոք սրտի, սա մեկ անձի հարց չէ: Ռուսաստանի նախագահի շրջապատում շատ մարդիկ հիվանդ են դրա պատճառով. ուռճացած հավակնություններ, մարդկային կյանքի, միջազգային իրավունքի նկատմամբ հարգանքի բացակայություն։ Նրանց համար այս ամենը ոչինչ է։ Այդ հիվանդությունը վտանգավոր է մեր պետության համար», ասել է նա։

 

Ռուսաստանի եւ Ադրբեջանի հարաբերությունները շատ լավ վիճակում են: Այս մասին հայտարարել է ՌԴ նախագահ Վլադիմիր Պուտինն Աշխաբադում Կասպից ծովի գագաթաժողովի շրջանակում իր ադրբեջանցի գործընկեր Իլհամ Ալիեւի հետ հանդիպման սկզբում։

«Այն ամենը, ինչ մենք պայմանավորվել ենք, կատարվում է։ Ապրանքաշրջանառությունն աճում է. Անցյալ տարի այն աճել է ավելի քան 16 տոկոսով, մեր վիճակագրության համաձայն՝ այս տարվա առաջին երեք ամիսներին աճել է մոտ 5.5 տոկոսով, այսինքն՝ կայուն աճը շարունակվում է։

Բայց ամենակարեւորը մեր ծրագրերի իրականացումն է, ավելի ճիշտ՝ մինչեւ 2024 թ. մեր համատեղ պլանը (ոուս-ադրբեջանական համագործակցության)։ Մեզ մոտ ամեն ինչ առաջ է շարժվում: Իհարկե, կան տարածաշրջանային անվտանգության խնդիրներ, այդ թվում եւ առաջին հերթին՝ ղարաբաղյան կարգավորման հետ կապված։ Մենք դա քննարկել ենք ձեզ հետ, եւ այժմ հնարավորություն կունենանք նորից քննարկելու այս թեման: Ուզում եմ հատկապես շնորհակալություն հայտնել այն գաղափարների համար, որոնք դուք ձեւակերպեցիք մեր ոչ պաշտոնական շփման, ոչ պաշտոնական ընթրիքի ժամանակ։ Այն գործնական էր բառիս ամենաբարձր իմաստով, գործընկերները շատ հետաքրքիր առաջարկներ արեցին տարածաշրջանային համագործակցության զարգացման մասով։ Ուստի, ամեն դեպքում, մեր հանդիպումն արդեն օգտակար էր, եւ երկկողմ հարաբերություններն այժմ լրացուցիչ խթան կստանան մեր երկկողմ զրույցից»,- ասել է Պուտինը։

Ալիեւը հույս է հայտնել, որ երկու երկրների միջեւ հարաբերություններն ապագայում կշարունակեն հաջողությամբ զարգանալ։ «Մենք վստահ ենք, որ Ռուսաստանի եւ Ադրբեջանի միջեւ հարաբերությունները հաջողությամբ կզարգանան՝ ի շահ մեր երկրների եւ ժողովուրդների»,- ասել է նա։

 

Վերաքննիչ քրեական դատարանում վարչապետ Նիկոլ Փաշինյանի դեմ քրեական գործ չհարուցելու որոշման դեմ բողոքի քննությունից հետո երբ դատավոր Կարեն Բիշարյանը հեռացավ խորհրդակացական սենյակ, զոհված զինծառայողների հարազատների եւ դատախազների միջեւ իրավիճակը լարվեց։

Զոհվածի հարազատը փորձեց հարց ուղղել դատախազներին, սակայն նրանք լքում էին նիստերի դահլիճը։ Ծնողներից մեկը նրանց անվանեց՝ «թուրք», որին ի պատասխան՝ դատախազներից մեկն ասաց․ «Արա փոշին էլ ես դու, թուրքն է»։

Այդ խոսքը ծնողներին վրդովվեցրեց, դատախազներն է լքեցին նիստերի դահլիճը։

Հիշեցնենք, որ դեռեւս 2021 թվականի հունիս ամսին նրանք հանցագործության մասին հաղորդում էին ներկայացրել, մասնավորապես, պահանջելով քրեական գործ հարուցել Նիկոլ Փաշինյանի կողմից կատարված առերեւույթ պետական դավաճանության փաստի առթիվ։

 

Tert.am-ը գրում է․

Ադրբեջանի ԱԳՆ-ն արձագանքել է հայ-ադրբեջանական հարաբերությունների կարգավորման գործընթացի հետ կապված երեկվա առցանց ասուլիսում ՀՀ վարչապետ Նիկոլ Փաշինյանի հայտարարություններին։ 

Փաշինյանն ասել էր, որ Ադրբեջանը հայկական կողմի հետ խոսակցության գնալուց հրաժարվում է ու դրանում հրապարակային կերպով Հայաստանին է մեղադրում՝ Հայաստանի դեմ նոր պատերազմի լեգիտիմություն ձևավորելու համար:

Ինչպես նշել են այդ երկրի ԱԳՆ-ում, Փաշինյանի հայտարարությունները կասկածի տակ են դնում տարածաշրջանում կայուն խաղաղություն հաստատելու Երևանի ցանկությունը։

«Վարչապետ Փաշինյանին հիշեցնում ենք՝... տարածքների «ազատագրումից» (չակերտները` Tert.am) հետո երկու երկրների հարաբերությունների կարգավորման կողմնակիցն ու նախաձեռնողն Ադրբեջանն էր:

Ադրբեջանական կողմը հակառակ կողմին է ներկայացրել այն հիմնական սկզբունքները, որոնց վրա պետք է հիմնված լինի (խաղաղության) պայմանագիրը։ Եթե Ադրբեջանը, ինչպես պնդում է Փաշինյանը, պատերազմ ցանկանար, ապա այդ քայլերի կարիքը, հավանաբար, չէր լինի։

Ադրբեջանական կողմը ոչ միայն հայտարարություններ է անում երկու երկրների միջև սահմանների սահմանազատման, տարածաշրջանում բոլոր հաղորդակցությունների բացման և կողմերի միջև ապագա խաղաղության պայմանագրի ստորագրման ուղղությամբ, այլև  հայտարարվածը իրականացնում է իր գործողություններով և կոնկրետ քայլերով...

Հուսով ենք, որ Հայաստանից շատ ժամանակ չի պահանջվի՝ գիտակցելու «արդեն իրականություն դարձած» (չակերտները` Tert.am) «Զանգեզուրի միջանցքի» (չակերտները` Tert.am) գործունեության արդյունավետությունը...

Հայաստանի վարչապետը, առանց կոնկրետ փաստերի անդրադառնալու, հայտարարեց, որ ադրբեջանական կողմը առնվազն  մեկ անգամ բոյկոտել է հանդիպումը։ Եթե սկսեք թվարկել հետկոնֆլիկտային փուլում միջազգային միջնորդների մասնակցությամբ մինչ այժմ առաջարկված և Հայաստանի կողմից տարբեր պատրվակներով «խախտված» (չակերտները` Tert.am), ինչպես նաև դրանց մեկնարկից 1-2 ժամ առաջ հայկական կողմի «սադրանքների» (չակերտները` Tert.am) պատճառով հետաձգված հանդիպումները, ապա ցուցակը շատ երկար կլինի։

Եթե Հայաստանն իսկապես խաղաղություն է ուզում, ապա պետք է կոնկրետ քաղաքական կամք դրսևորի և կոնկրետ քայլեր ձեռնարկի դեպի խաղաղություն, այլ ոչ թե «ժամանակ վատնի» (չակերտները` Tert.am) այն ձևաչափի վերակենդանացման վրա, որի «արդյունավետությունը միշտ ցածր է եղել» (չակերտները` Tert.am), և որի անդամներն այժմ «բացահայտ ընդունում են դրա գործունեության անհնարինությունը» (չակերտները` Tert.am)», - ասվում է Ադրբեջանի ԱԳՆ հայտարարությունում։

Հիշեցնենք, որ Փաշինյանը, ֆեյսբուքյան իր էջի եթերում պատասխանելով լրատվամիջոցների և հասարակական կազմակերպությունների հարցերին և անդրադառնալով հարցին, թե արդյոք այսօրվա աշխարհաքաղաքական իրողություններում խաղաղության օրակարգը Ադրբեջանի և նույնիսկ Թուրքիայի հետ հարաբերություններում ունի ռեալ այլընտրանք՝ Փաշինյանը բացասական պատասխան էր տվել:

«Երեկ էլ չուներ այլընտրանք, երեկ չէ առաջին օրն էլ չուներ այլընտրանք: Այլ բան է, թե մենք ինչքանով կկարողանանք իրագործել այդ ծրագիրը: Շատ կարևոր է արձանագրել, որ խաղաղության հաստատումը չի կարող միակողմանի օրակարգ լինել, դա պետք է հանդիպակաց, կառուցողական շարժում լինի: Իմ գնահատականն այն է, որ այլընտրանք չունի, այլընտրանք չուներ երեկ և այլընտրանք չունի վաղը: Այլընտրանք չունի, և նաև դա է պատճառը, որ մենք մեզնից կախված ամեն ինչ արել ենք, անում ենք և կշարունակենք անել՝ ՀՀ-ի և մեր տարածաշրջանի համար խաղաղ զարգացման դարաշրջան բացելու համար»,-ասել էր Փաշինյանը:

Նա ընդգծել էր, որ խաղաղության օրակարգի այլընտրանքը նոր պատերազմն է: Ադրբեջանը հրաժարվում է գնալ խոսակցության՝ հրապարակային մեղադրելով Հայաստանին խոսակցությունից հրաժարվելու համար:

Ըստ Փաշինյանի՝ ադրբեջանական կողմը հրաժարվել է երեկ Բրյուսելում կայանալիք հայ-ադրբեջանական հանդիպումից, ինչպես նաև չի արձագանքել արտգործնախարարների մակարդակով հանդիպում կազմակերպելու հայկական կողմի առաջարկին։

«Իմ գնահատականը մեկն է՝ դա արվում է Հայաստանի դեմ նոր պատերազմի լեգիտիմություն ձևավորելու համար: Մենք իլյուզիաներ չունենք Ադրբեջանի խորքային նպատակների և մտադրությունների մասին, բայց նաև առավել ևս այդ պարագայում մեզ համար առավել սկզբունքային և կարևոր է խաղաղության օրակարգի հետևողական, համբերատար առաջ մղումը: Եվ բազմիցս եմ ասել, որ այս ճանապարհին մեզ պետք են ամուր նյարդեր, հավասարակշռվածություն, մաքսիմալ ոչ էմոցիոնալ վիճակ»,-ասել էր Փաշինյանը՝ մեկ անգամ ևս շեշտելով, որ խաղաղության օրակարգին այլընտրանք չկա:

 

Միջանցքը լիարժեք գտնվելու է ռուս խաղաղապահների վերահսկողության ներքո։

Նիկոլ Փաշինյան

 

Ձեր նենգ երեսպաշտությունն է ինձ անընդհատ վերադարձնում էս հարթակ: Բոյկոտ, թե բա... Բա խի՞ չեք կարում բոյկոտեք, խի՞ չեք անտեսում, խի՞ եք անդրադառնում... Հերթով վրդովվում եք, որ Աղավնոն հանձնելու մասին ասեց: Ես ձեր կնոպկով հայրենասեր ջանին մեռնեմ` Աղավնոն 2020-ի նոյեմբերի 9-ին ա հանձնվել: Ընդ որում, հանձնվել է նաև էսօր, բղավելով, իրենց քամագը ճղող, իբր թե հայրենասերներ ճիվաղների քարոզչությամբ: Նույնիսկ ինձ էին համոզում, որ ես էլ քարոզեմ, որ կապիտուլյացիան ստորագրել է պետք: Բայց ես, ի տարբերություն իրենց, գտնվելով առաջնագծում` հակառակ բանն եմ քարոզել: Նիկոլի հետ ձեռք-ձեռք բռնած սաղ տվին` հիմա էլ կոկորդիլոսի արցունքներ են ցփնում: Այ սրիկաներ, բա Փարուխը Աղավնոյից ինչո՞վ էր պակաս, որ ձեզ ջայլամի տեղ դրիք հանձնելուց: Իսկ Փառուխից առաջ Խծաբերդը, Հին Թաղերը...

Փաշինյանի էս հարցազրույցը պիտի ունենար երկու կարևոր մեսիջ, որից մեկը նա չհնչեցրեց (թե ինչ կստանա դրա դիմաց ռուսներից, միայն ինքը գիտի), դա աութսորս անելով Արամ Սարգսյանին, իսկ մյուսն ասեց: Նա ասեց, որ Էսօրվա գերիների 90 տոկոսը գերեվարվել են ռուսների պատճառով: Իսկ Արամ Սարգսյանն ասաց, որ Նիկոլը միջանցք չի խոստացել թուրքերին, դա խոստացել է Պուտինը: Էս երկու թեզերն էին ասուլիսի իմաստը, ու էս երկու թեզը լռեցնելու համար էլ փորձել են այն բոյկոտել:

Ընդհանուր առմամբ Նիկոլն ընդամենը մի բան է ասում. նա չի հերքում, որ դավաճան սրիկա է, նա պարզապես պնդում է, որ իր դեմ իբր թե պայքարողները ոչնչով պակաս չեն: Ու ասեմ ձեզ` ճիշտ է ասում:

Արթուր Դանիելյան

 

Վարչապետ Նիկոլ Փաշինյանն այսօր հրավիրած առցանց ասուլիսում հայտարարեց, որ Բերձորն ու Աղավնոն անցնելու են ադրբեջանական վերահսկողությանը։ Անդրադառնալով հարցին, թե ի՞նչ է լինելու Բերձորի, Աղավնո ու Սուս գյուղերի ճակատագիրը՝ Ադրբեջանի կողմից շրջանցիկ ճանապարհը կառուցելուց հետո, Փաշինյանն ասաց․ «Երթուղու փոփոխություն տեղի ունենալու պարագայում այն տարածքները, որոնք չեն գտնվում Լեռնային Ղարաբաղի Ինքնավար մարզի նախկին այդ սահմանի մեջ, նրանք անցնելու են Ադրբեջանի վերահսկողությանը»։

Նա նշեց, որ Բերձորի բնակիչների խնդիրները կառավարության որոշումներով լուծում են, և բնակիչները պիտի բնակարանով ապահովվեն։ «Այդտեղ գյուղեր են թվարկվում, ես անկեղծ ասած վստահ չեմ, որ խոսքը բոլոր այդ բնակավայրերի մասին է։ Բերձորում՝ Լաչինում այսօր ըստ էության ընտանիքներ չեն ապրում, կառավարության որոշումներով նրանց խնդիրները լուծել ենք։ Աղավնո գյուղի բնակիչների խնդիրները Արցախի կառավարության միջոցներով կլուծվեն։ Սուսի վերաբերյալ չեմ կարող ասել, որովհետև տեղեկություն չունեմ։ Սկզբունքը հետյալն է՝ ԼՂԻՄ-ի վարչական տարածքից ներս է գտնվում, թե՞ դուրս։ Համենայնդեպս Արցախի իշխանությունների հետ քննարկումներում Սուս գյուղի անունը չի շրջանառվել»,- ասաց Փաշինյանը։

 

Ռուսաստանը ցանկանում է Բելառուսին ներքաշել պատերազմի մեջ և Ուկրաինային հարվածներ է հասցնում  Բելառուսի տարածքից, ըստ ուկրաինական հետախուզության: Ուկրաինայի պաշտպանության նախարարության հետախուզության գլխավոր վարչությունը նշում է, որ զանգվածային ավիահարվածը, որը հասցվել է Բելառուսի տարածքից, առաջին նման դեպքն է։ 

Փորձագետները նշում են, որ Պուտինը ոչ մի կերպ չի կարողանում համոզել Լուկաշենկոյին ուղղակիորեն մտնել պատերազմի մեջ։ Լուկաշենկոն, չնայած ռուսանպաստ հայտարարություններին, առայժմ կարողանում է խուսափել պատերազմի մեջ ուղղակի ներգրավվելուց։ Սանկտ Պետերբուրգում հանդիպել է Պուտինի հետ և Կալինինգրադի մարզ տրանզիտն արգելելու Լիտվայի որոշումն անվանել պատերազմ հայտարարելու պես մի բան։

Նա նշել է, որ Բելառուսը մտահոգված է ԱՄՆ-ի և ՆԱՏՕ-ի ինքնաթիռների թռիչքներով, որոնք «պատրաստվում են միջուկային մարտագլխիկներ և միջուկային լիցքեր կրել»։ Լուկաշենկոն նշել է, որ Բելառուսը պետք է պատրաստ լինի օգտագործել ամենալուրջ զենքը՝ «հայրենիքը Բրեստից մինչև Վլադիվոստոկ» պաշտպանելու համար։

Ռուսաստանը «Իսկանդեր-Մ» համալիրներ կմատակարարի Մինսկին առաջիկա ամիսներին, ասել է ՌԴ նախագահ Պուտինը։ Նրանք «կարող են կիրառել ինչպես բալիստիկ, այնպես էլ թեւավոր հրթիռներ՝ ինչպես սովորական, այնպես էլ միջուկային»։ Լուկաշենկոն նաև Պուտինին խնդրել է օգնել բելառուսական Սու-25 ինքնաթիռները հագեցնել միջուկային մարտագլխիկներով, ինչին Պուտինը պատասխանել է դրանք Ռուսաստանում վերազինելու առաջարկով։

Բելառուսի վերածումը ռուսական «միջուկային ռումբի» տեղի է ունենում Բելառուսից Կալինինգրադ Սուվալկիի հիպոթետիկ միջանցքի մասին համառ խոսակցությունների ֆոնին, որտեղ այժմ անցնում է Լեհաստանի և Լիտվայի սահմանը։ Սա մոլորակի ամենավտանգավոր վայրն է՝ Ռուսաստանի և ՆԱՏՕ-ի միջև ուղիղ հակամարտության սպառնալիքի պատճառով, գրում է Politico-ն։

Politico-ն հիշեցնում է, որ ՆԱՏՕ-ի երկրների տարածքով միջանցք բացելու Ռուսաստանի փորձերը կհանգեցնեն կողմերի ուղղակի բախման, որոնցից յուրաքանչյուրն ունի միջուկային զենք։

Հիշեցնենք, որ Լիտվան վերջերս հայտարարել է Կալինինգրադ հունիսի 18-ից մի շարք ապրանքների տարանցման դադարեցման մասին։

Մոտ 100 կմ երկարությամբ հիպոթետիկ միջանցքի անվանումը 2015 թվականին տվել է Էստոնիայի նախկին նախագահ Թոոմաս Հենդրիկ Իլվեսը` նկատի ունենալով մերձբալթյան երկրների «խոցելիությունը»՝ Լիտվան, Լատվիան և Էստոնիան ՆԱՏՕ-ի երկրներից կտրելու Ռուսաստանի հնարավորության պատճառով:

Սկզբնաղբյուր

Լոնդոնը «պատերազմ» կհայտարարի Ռուսաստանին՝ ինքնահռչակ Դոնեցկի Ժողովրդական Հանրապետության (ԴԺՀ) Գերագույն դատարանի վճռից հետո բրիտանացի վարձկաններին մահապատժի ենթարկելու դեպքում։  Ըստ Հրապարակի՝ նման կարծիք է հայտնել Express թերթում հրապարակված նյութի հեղինակը։

Լրագրողի խոսքով՝ մահապատժի դատապարտված վարձկաններից մեկը՝ Էյդեն Ասլինը, զանգահարել է մորը՝ վստահեցնելով, որ բրիտանական իշխանությունները չեն բանակցում ԴԺՀ-ի հետ, ուստի շուտով իրեն գնդակահարելու են։

Express-ի հոդվածից հետևում է նաև, որ վարչապետ Բորիս Ջոնսոնը կարող է մտնել «վա բանկ», եթե մահապատիժը կատարվի, և «այս պատերազմը շատ վտանգավոր ընթացք կունենա, որից, հավանաբար, վերադարձ չի լինի»:

«Եթե ​​այս մահապատիժները շարունակվեն, Բրիտանիան և ողջ Արևմուտքը այլ ելք չեն ունենա, քան բարձրացնել խաղադրույքները՝ ավելի շատ զենք, ավելի շատ պատժամիջոցներ և, հնարավոր է, հարվածային ինքնաթիռ, որը խնդրել էր նախագահ Զելենսկին»,– գրում է հրապարակումը։

 

Ֆոտո

Շնորհավոր ծնունդդ, Գերագույն գլխավոր հրամանատար. ՀՀԿ երիտասարդները շնորհավորել են Սերժ Սարգսյանի տարեդարձը

Վլադիմիր Պուտինն իսկապես ծանր հիվանդ է. Զելենսկի

Ինչ մենք պայմանավորվել ենք, կատարվում է․ Պուտինն ու Ալիևը հանդիպել են

Արա փոշին էլ ես դու, թուրքն էլ. դատախազը՝ զոհվածի հարազատին

Ադրբեջանի ԱԳՆ-ն պատասխանել է Բաքվի կողմից «Հայաստանի դեմ նոր պատերազմի լեգիտիմություն ձևավորելու» մասին Փաշինյանի հայտարարությանը

Միջանցքը լիարժեք գտնվելու է ռուս խաղաղապահների վերահսկողության ներքո. Նիկոլ Փաշինյան

Թուրքերին միջանցք խոստացել է Պուտինը, և 90 տոկոսը գերեվարվել են ռուսների պատճառով․ Էս երկու թեզերն էին ասուլիսի իմաստը, ու էս երկու թեզը լռեցնելու համար էլ փորձել են այն բոյկոտել

Բերձորն ու Աղավնոն անցնելու են Ադրբեջանին․ Նիկոլ Փաշինյան

ՆԱՏՕ-ի երկրների տարածքով միջանցք բացելու Ռուսաստանի փորձերը կհանգեցնեն կողմերի ուղղակի բախման

Լոնդոնը «պատերազմ» կհայտարարի Ռուսաստանին

Իվետա Մուկուչյանը լողազգեստով տեսանյութ է հրապարակել ծովափից․ Ցանկանո՞ւմ եք տեսնել շարունակությունը․

Հայաստանում օգոստոսի 1-ից պահեստազորի եռամսյա վարժական հավաքներ են հայտարարվում

Հայաստանի քաղաքացիները կկարողանան առանց վիզայի Մոնտենեգրոյում մնալ 30 օր. ՏԱՍՍ

Ո՞ր երկրների տուրիստական գրավչությունն է աճել

Պատգամավորը մոտոցիկլետով վթարի է ենթարկվել

© 2022 Lurer24.com All Rights Reserved