Լուրեր
Լուրեր

Լուրեր

Վրացական «Շարժում հանուն ժողովրդի» կուսակցության հիմնադիր Անա Դոլիձեն իր ֆեյսբուքյան էջում  հրապարակել է շան լուսանկար, որին որպես երկրի վարչապետի թեկնածու է ներկայացրել:

«Վրաստանի վարչապետի պաշտոնում մեր կուսակցության թեկնածուն կլինի Կուպատա անունով շունը»,-հայտարարել է Դոլիձեն:

Այսպես քաղաքական գործիչն արձագանքել է որոշ ընդդիմադիր կուսակցությունների կողմից երկրի վարչապետի պաշտոնին իրենց թեկնածուների նախնական ներկայացմանը:

«Բարեկամներ, քարոզարշավը դեռ չի սկսվել, բայց արդեն մեկը դուրս է եկել և ասել է, որ ցանկանում է վարչապետ դառնալ: Նախ պետք է հաղթել ընտրություններում: Ահա մենք խորհրդակցեցինք և ներկայացնում ենք արժանի թեկնածու: Աջակցեք, նրան այլընտրանք չկա»,-գրել է Դոլիձեն:

Հիշեցնենք, որ Վրաստանում խորհրդարանական ընտրությունները տեղի են ունենալու հոկտեմբերի 31-ին:

Բռնությունները, ինչպես երևում է, Բելառուսում ուժգնանում են, իսկ Լուկաշենկոյի շուրջ օղակը` սեղմվում է:

 

Լուկաշենկոն ավելի ու ավելի է կորցնում իրականության հետ կապը, այսպես են կարծում մեծաթիվ վերլուծաբաններ, որոնք ցուցարարների դեմ դաժան վերաբերմունքը բացատրում են Լուկաշենկոյի այս վիճակով: Երկիրը 26 տարի ղեկավարած նախկին կոլտնտեսային ֆերմայի նախագահը չի համակերպվում այն մտքի հետ, որ կարող է գահընկեց լինել, իր խոսքերով ասած, «ինչ-որ թափթփուկների» պահանջով:

 

Բելառուսում չորրորդ շաբաթն անընդմեջ Ալեքսանդր Լուկաշենկոյի հրաժարականի պահանջով բողոքի ցույցերը չեն մարում։ Նախօրեին շուրջ հարյուր հազար մարդ մայրաքաղաք Մինսկում կրկին բողոքի երթ է իրականացրել, որը հերթական անգամ ուղեկցվել է զանգվածային ձերբակալություններով, ոստիկանները կրկին արցունքաբեր գազ են կիրառել ցույցի մասնակիցների հանդեպ:

Եվրամիությունը պահանջում է վերադարձնել Բելառուսում առևանգված ընդդիմադիր գործիչ Մարիա Կոլեսնիկովային: Մեծ Բրիտանիայի արտաքին գործերի նախարար Դոմինիկ Ռաաբը բելառուսական իշխանություններից պահանջել է Կոլեսնիկովային վերադարձնելը «առաջնահերթություն դարձնել, ազատ արձակել բոլոր ձերբակալվածներին և երկխոսություն սկսել ընդդիմության հետ»:

«Բելառուսում քաղաքական դրդապատճառներով մարդկանց կամայական ձերբակալություններն ու առևանգումներն անընդունելի են», - հայտարարել է Եվրամիության դիվանագիտության ղեկավար Ժոզեպ Բորելը ՝ պահանջելով, որ Մինսկը «դադարեցնի ահաբեկել իր քաղաքացիներին և խախտել սեփական օրենքներն ու պարտավորությունները»:

Կոլեսնիկովայի համախոհները Բելառուսի իշխանություններին են մեղադրում նրա առևանգման մեջ: Ընդդիմության համակարգող խորհրդի նախագահության 7 անդամներից միայն 2-ն են մնում ազատության մեջ: Բելառուսի իրավապահ մարմինները հերքում են իրենց առնչությունը Կոլեսնիկովայի անհետացմանը:

Միաժամանակ համացանցում են հայտնել տեսագրություններ, թե ինչպես են քաղաքացիական հագուստով մարդիկ բռնությունների ենթարկում բողոքի ակցիայի մասնակիցներին:

Բելառուսում իրավիճակը, կարծես, քաոսի է վերածվում: Լուկաշենկոյին ինչ-որ մեկը պետք է հուշի քայլեր, որոնք քաղաքացիական պատերազմի իրավիճակ չստեղծեն երկրում: Եվ այդ առաջնորդը, վստահաբար, Ռուսաստանի նախագահ Պուտինն է, որի համար էլ, թերևս պարզ է, որ «Բատկան» պետք է հեռանա:

Իսկ Պուտինն առայժմ իր որոշման մասին լռում է:

Մետաքսյա Շալունց, Հայելի․am

Այսօր Երևանի ավագանու 5-րդ նստաշրջանի առաջին նիստն է:

Այն վարում է փոխքաղաքապետ Հրաչյա Սարգսյանը:

«Քաղաքապետը մի փոքր վատառողջ է, և այսօրվա նիստը կվարեմ ես»,– ասաց Հայկ Սարգսյանը:

Տեղին է ասել՝ գումարելիների տեղափոխությունից գումարը չի փոխվում ու արտակարգ դրությունից կարանտինային ռեժիմին անցնելը պարզապես ավելացնում է որոշակի խստացումներ։

Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է «Պարացելսուս» ՀԿ ղեկավար Նունե Ներսիսյանը։

Ըստ Նունե Ներսիսյանի՝ երկրում կարանտին հայտարարելու անհրաժեշտությունը պետք է որոշեր Առողջապահության նախարարը․ «Մենք տեսնում ենք, որ ինչպես իրենք են ասում՝ կորոնավիրուսով պայմանավորված պատերազմական վիճակում նախարար Արսեն Թորոսյանն արձակուրդ է գնում, դե մարդը հազարից ավել մահ է տվել, գերհոգնած է ու պիտի հանգստանա։ Սակայն այս խստացումները պետք է որոշեր հենց նախարարը, մինչդեռ կառավարությունն է որոշում կայացնում»։

Նունե Ներսիսյանի համոզմամբ՝ այս ամենը արվում է նրա համար, որպեսզի առաջիկայում դպրոցները, համալսարանները փակվեն, քանի որ հայտարարելու են՝ կորոնավիրուսի երկրորդ ալիք է գալիս։

Նունե Ներսիսյանը նաև ահազանգում է, որ իրեն են դիմել բնակիչներ, ովքեր պնդում են, որ իրենց՝ կորոնավիրուսից մահացած հարազատների դիերը իրենց են տալիս այլանդակված, անճանաչելի վիճակում։

Գրիգոր Գրիգորյանը համոզված է՝ հաջորդ իշխանությունն այս իշխանությանը քրեական պատասխանատվության է ենթարկելու՝ կորոնավիրուսի դեմ պայքարը սխալ ու ձախողված, խեղաթյուրված իրականացնելու համար։

ՔՈԳՎ կոռուպցիոն և տնտեսական հանցագործությունների դեմ պայքարի վարչությունում ստացված տեղեկությունների հիման վրա նախապատրաստված նյութերով բացահայտվել են Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի պաշտոնատար անձանց կողմից թույլ տրված չարաշահումների հետևանքով պետությանը շուրջ 11 միլիոն դրամի վնաս պատճառելու դեպքեր:

Մասնավորապես, այս տարվա մարտին հիշյալ ՀՈԱԿ-ի կարիքների՝ Երևանում գարնանային էտի աշխատանքների կազմակերպման համար մեքենա-մեխանիզմների վարձակալություն ծառայության գնման մրցույթի արդյունքում մարտի 18-ին ՀՈԱԿ-ի և սահմանափակ պատասխանատվությամբ մի ընկերության միջև կնքված 9 միլիոն 500 հազար դրամի պայմանագրի շրջանակներում կապալառու կազմակերպության կողմից փաստացի մատուցված լինելով բեռնատարների մասով՝ 703 ժամի, իսկ ավտոաշտարակների մասով՝ 552 ժամի ծառայություն, ընկերության տնօրենը, առանձնապես խոշոր չափերով գույքը խաբեությամբ հափշտակելու դիտավորությամբ, դուրս էր գրել բեռնատարների մասով 976 ժամի, իսկ ավտոաշտարակների մասով` 909 ժամի, ընդհանուր 631 ժամով ավելի գումարների հաշիվ-ապրանքագրեր, իսկ ՀՈԱԿ-ի պատասխանատու պաշտոնատար անձինք, իրենց հերթին ծառայության նկատմամբ անբարեխիղճ վերաբերմունք դրսևորելու և իրենց պարտականությունները ոչ պատշաճ կատարելու հետևանքով, պատշաճ կերպով չեն ուսումնասիրել ծառայությունների մատուցման վերաբերյալ կազմված հանձնման-ընդունման արձանագրություն-հաշվետվությունները, որի արդյունքում ՍՊ ընկերության կողմից խարդախությամբ հափշտակվել է ընկերությանն ավել փոխանցած, առանձնապես խոշոր չափերով՝ շուրջ 3 միլիոն 155 հազար դրամը:

Բացի այդ, նշված ՀՈԱԿ-ի տնօրենը, իր պաշտոնեական լիազորությունները ծառայության շահերին հակառակ օգտագործելով, կազմակերպության կողմից արդեն իսկ 200 դրամով 50 հազար հատ ճապկի թուփ ձեռք բերելու պայմաններում, այս տարվա ապրիլին հրաման է արձակել առանց գնային առաջարկի ևս 50 հազար հատ ճապկի թուփ ձեռք բերել:

Այնուհետև նշված մրցույթում հաղթող է ճանաչվել մեկ թփի համար 400 դրամ առաջարկած սահմանափակ պատասխանատվությամբ մեկ այլ ընկերություն, ինչից հետո ՀՈԱԿ-ի տնօրենը, անտեսելով նույն ապրանքը կրկնակի թանկ գնելու վերաբերյալ մրցույթի հանձնաժողովի նախագահի առարկությունները, բանավոր ցուցում է տվել կնքել տվյալ գնման պայմանագիրը, ինչի արդյունքում 20 հազար հատ ճապկի թփերը մատակարարվել են կրկնակի թանկ. հատը` 400 դրամով, իսկ մնացած 30 հազար հատը, հետագա բանակցությունների արդյունքում՝ 200 դրամով: Միևնույն ժամանակ, ՀՈԱԿ-ի կողմից հայտարարված տարբեր գնման մրցույթների շրջանակներում կազմակերպության տնօրենը նույն դրդապատճառներով և եղանակով բանավոր կարգադրություններ է տվել հանձնաժողովի անդամներին գնման հայտերում՝ համայնքի կանաչապատման համար նախապես կազմված բույսերի ցուցակում չընդգրկված շուրջ 10 տեսակի այլ տնկիներ
ներառնելու վերաբերյալ, ինչի արդյունքում ձեռք է բերվել ընդհանուր 11 միլիոն 915 հազար դրամ արժողության տարբեր տեսակի թանկարժեք տնկիներ, սակայն համայնքի կարիքների համար օգտագործվել է միայն դրանց մի մասը, իսկ մնացած՝ 3 միլիոն 640 հազար դրամ արժեքով տնկիներն այդպես էլ չեն օգտագործվել:

Ապօրինությունների հետևանքով կազմակերպությանըպատճառվել է շուրջ 7 միլիոն 640 հազար դրամի՝ առանձնապես խոշոր չափերի վնաս:

 

Դեպքերի առթիվ ՔՈԳՎ կոռուպցիոն և տնտեսական հանցագործությունների դեմ պայքարի վարչությունում հարուցվել է քրեական գործ, որն ուղարկվել է Քննչական կոմիտե։

Սեպտեմբերի 7-ին, ժամը 18։11-ին Մ-4 ավտոճանապարհի Սևան-Դիլիջան հատվածի 18-րդ կմ-ին բախվել են «Ford» և Իջևան-Երևան երթուղին սպասարկող «Գազել» մակնիշի ավտոմեքենաները:

Կա 12 տուժած։

Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։

Փրկարարների և քաղաքացիների համատեղ ուժերով տուժածներից 11-ը տեղափոխվել են Սևանի, մեկը՝ Դիլիջանի ԲԿ:

Դեպքի մասին տեղեկացնում է ՀՀ ԱԻ նախարարությունը:

Հայաստանի ֆուտբոլի ազգային հավաքականի առաջատար, թիմի ավագ Հենրիխ Մխիթարյանը պատրաստ է հաջորդ ամիս գալ Երևան ու միանալ թիմին, Էստոնիայի ընտրանու դեմ վաղը կայանալիք հանդիպմանն ընդառաջ հայտարարեց Հայաստանի հավաքականի գլխավոր մարզիչ Խոակին Կապառոսը:

«Դատելով նրա հետ ունեցած զրույցից կարող եմ ասել, որ կոնֆլիկտ չկա, Հենրիխը պատրաստ է գալ Երևան ու նվիրումով խաղալ հավաքականի և երկրի համար», – նշեց հավաքականի գլխավոր մարզիչը:

Հիշեցնենք, որ ֆուտբոլի Հայաստանի ազգային հավաքականը սեպտեմբերի 8-ին Ազգերի լիգայի C դիվիզիոնի խմբային փուլի շրջանակներում սեփական հարկի տակ կընդունի Էստոնիայի ընտրանուն:

Երեւանի քաղաքապետարանից տեղեկացնում են.

«Հարգելի համաքաղաքացիներ,

Գտնվելով «COVID 19» նոր կորոնավիրուսային հիվանդության կանխարգելման ճանապարհին՝ մասամբ վերսկսում ենք նախադպրոցական կրթությունը:
2020 -2021 ուսումնական տարին մեկնարկվելու է սեպտեմբերի 15-ին, և Երևանի ենթակայության մանկապարտեզների դռներն այդ օրվանից բաց կլինեն երեխաների համար:

 

Որպես իրազեկում.

1. Յուրաքանչյուր խումբ համալրվելու է առավելագույնը 12 երեխայով, որոնք մանկապարտեզ են հաճախել 2019-2020 ուստարում:

2. Առաջնահերթությունը տրվելու է
ա/ աշխատող ծնողների 5-6 տարեկան երեխաներին,
բ/ առաջին կամ երկրորդ կարգի հաշմանդամություն ունեցող ծնողի երեխային,
գ/ տվյալ հաստատություն աշխատակցի երեխային:

Հերթագրված երեխաների ընդունելությունը ժամանակավորապես կասեցված է:

Կարևորելով նախադպրոցական կրթությունը, ինչպես նաև ընտանիքներին աջակցելու ցանկությունը՝ ակնկալում ենք Ձեր ըմբռնումը՝ նոր կորոնավիրուսային հիվանդության կանխարգելման նկատառումով պայմանավորված սահմանափակ թվով երեխաների վերընդունման հարցում»:

Ամուլսարի պահնորդները, քաղաքացուն քարշ տալով դեպի «Լիդիան»-ին պատկանող տարածք, դաժան ծեծի են ենթարկել, նրան այնտեղից ուշագնաց վիճակում հանել են։

Այսպիսի իրադարձությունների պակաս չի լինելու, ու ես դրա մասին դեռ շաբաթներ առաջ ահազանգել էի։
Նիկոլ Փաշինյանի կառավարությունը երկու տարի զբաղված է «Լիդիանին» ու բնապահպաններին սիրաշահելով կոնկրետ որոշում կայացնելու փոխարեն։

Նիկոլ Փաշինյանը հարկատուներից աշխատավարձ է ստանում ոչ թե որոշումներ կայացնելու, այլ իր վարկանիշը պահելու, դրա համար պոպուլիստական որոշումներ ընդունելու, անզուսպ PR-ով զբաղվելու համար։

Մի կողմից՝ բյուջեն լցնելու ցանկությունը, մյուս կողմից՝ հասարակության ընդվզումը, ու Նիկոլ Փաշինյանը վախենում է որոշում կայացնել Ամուլսարի հարցով, ինչի հետևանքով Ջերմուկում իրավիճակի էսկալացիա է ակումլացվում դրանից բխող հետևանքներով։

Հասարակությունը վճարում է Փաշինյանի անգործության հետևանքների համար։

Սուրեն Սուրենյանցի գրառումը

Արդեն որերորդ շաբաթն է՝ կառավարության շենքի դիմաց, երբեմն՝ նաև այլ գերատեսչությունների առջև շարունակվում են Ռուսաստան մեկնել ցանկացող, բայց չկարողացող քաղաքացիների բողոքի ակցիաները։

Դրանց  ընթացքում արձանագրված վերջին ուշագրավ դրվագները արտգործնախարար Զոհրաբ Մնացականյանի ու ԱԺ փոխխոսնակ Ալեն Սիմոնյանի՝ ցուցարարներին ուղղված հանդիմանությունն էր, որոնց իմաստը հետևյալն է․ «մեզանից ի՞նչ եք ուզում, ռուսները սահմանը չեն բացում, գնացեք ռուսներին ներկայացրեք ձեր պահանջները»։

Իրականում այս խնդիրն ամբողջությամբ բացահայտում է Հայաստանի արտաքին քաղաքականության պերճանքն ու թշվառությունը, ավելի ճիշտ՝ միայն թշվառությունը, քանի որ դժվար է պերճանք անվանել այն, ինչը լավագույն դեպքում կարելի է որակել՝ որպես անկարողություն։

Ռուսաստան մեկնելու ցանկություն ունեցող քաղաքացիների թիվը, բողոքի ակցիաների մասնակիցների տվյալներով, հասնում է մոտ 2000-ի։ Գուցե այս տվյալը փոքր-ինչ չափազանցված է, կամ հակառակը՝ թերագնահատված։ Խնդրի էությունը, սակայն, դրանից չի փոխվում։

Իսկ դրա էությունն այն է, որ մեծ հաշվով խոսքը ընդամենը մի քանի թռիչքի, մի քանի ինքնաթիռի տարողունակության ուղևորների մասին է, խնդիր, որը ցանկության ու հնարավորության դեպքում հնարավոր էր լուծել հաշված ժամերի ընթացքում։ Բայց դրա համար անհրաժեշտ է, որ հայ-ռուսական հարաբերությունները գտնվեին գոնե նվազագույն գործընկերային մակարդակում, որից այդ հարաբերությունները հեռու են անդառնալիորեն։

Ավելի պատկերավոր նկարագրությամբ, Ռուսաստան մեկնել ցանկացող քաղաքացիների խնդիրը լուծելու համար բավարար էր Հայաստանի ղեկավարի ընդամենը մեկ հեռախոսազանգը ռուս գործընկերոջը՝ գումարած թռիչքների կազմակերպման համար անհրաժեշտ մի քանի տեխնիկական հարցերի լուծումը։

Բայց ողջ հարցն այն է, որ Հայաստանի ղեկավարը Ռուսաստանի նախագահին զանգահարելու հնարավորություն չունի՝ բառի ո՛չ ուղիղ, ո՛չ փոխաբերական իմաստներով։

Բավական է հիշել, որ Հայաստանի ռազմավարական գործընկեր համարվող Ռուսաստանի նախագահ Վլադիմիր Պուտինի հետ ՀՀ վարչապետ Նիկոլ Փաշինյանի վերջին հեռախոսազրույցը տեղի է ունեցել հունիսի 1-ին՝ վերջինիս ծննդյան օրվա շնորհավորանքի արարողակարգային առիթով։ Ընդունված կարգ է՝ շնորհավորել է:

Դրան հաջորդած շուրջ երեք ամիսներին Հայաստանի ու Ռուսաստանի ղեկավարները չեն հաղորդակցվել, իսկ արտգործնախարար Զոհրաբ Մնացականյանն իր ռուս գործընկեր Լավրովի հետ խոսել է միայն ղարաբաղյան թեմայով, այն էլ, ամենայն հավանականությամբ, Ադրբեջանի հետ շփումների ֆոնին Հայաստանի հետ ձևական պարիտետը պահպանելու նկատառումներից ելնելով։ Ավելին, Զոհրաբ Մնացականյանը պարզապես ի վիճակի չէ Լավրովի հետ նման հարցեր քննարկել՝ նաև հասկանալի պատճառներով:

Հայաստանի և Ռուսաստանի միջև բացակայում են՝ ինչպես բարձր մակարդակի ռազմավարական շփումները, այնպես էլ՝ միջգերատեսչական, օպերատիվ աշխատանքային ռեժիմի հաղորդակցությունները, ինչի պատճառով ՀՀ իշխանություններին պահանջներ ներկայացնող քաղաքացիներին ՀՀ բարձրաստիճան պաշտոնյաներն ուղարկում են․․․ Ռուսաստանի դեսպանատուն։

Հայ-ռուսական հարաբերություններում առաջացած ճգնաժամը կամ վակուումը կրկին պատկերավոր նկարագրությամբ հասել է ընդհուպ մեկ հեռախոսազանգի հնարավորության բացակայության խնդրին։ Պուտինին զանգահարել Նիկոլ Փաշինյանը, իհարկե, կարող է, բայց հեռախոսափողի հակառակ կողմից, ամենայն հավանականությամբ, լսելու է որևէ գայթակղիչ սլավոնուհու ձայնը՝ «բաժանորդն անհասանելի է, չեք կարող փորձել նաև ավելի ուշ»։