Լուրեր
Լուրեր

Լուրեր

Գագիկ Ծառուկյան.

«Մարդիկ էսօր էլ չեն ուզում լսեն, ուզում են իրենց վրա զգան:

Պետք են փորձառու, արդյունավետ մարդիկ լինեն, որ ոլորտներում արդյունք ցույց տան:

Արդեն ընտելացել են իրենց էդ փափուկ տեղին, որ կյանքում սեփական կատու չեն ունեցել, էսօր առոք-փառոք...»:

 

Երևանի ավագանու «Բարգավաճ Հայաստան» խմբակցության անդամ Հռիփսիմե Առաքելյանը խոսել է Արսեն Թորոսյանի արձակուրդի ավարտի մասին:

«Դոկտոր Մահն եկել ա գործի արդեն.... յանի առաջին ալիքից շատ խաբար ենք,հիմա էլ երկրորդը.....»,-գրել է նա:

 

Քաղտեխնոլոգ Կարեն Քոչարյանը գրում է.

ԲԱՑ ՆԱՄԱԿ ՀՀ ՎԱՐՉԱՊԵՏ ՆԻԿՈԼ ՓԱՇԻՆՅԱՆԻՆ Նիկոլ Փաշինյանն այսօր գրել է մի ստատուս, և խնդրել է լրատվամիջոցներին այն վերնագրել «Սխալվելու վճռականությունը` ճշմարիտ ճանապարհ»:

Հարգելի պարոն Փաշինյան, անսխալական մարդ չկա, և սխալվելը ևս մարդու համար է(թեև վերջին երկու տարվա ընթացքում Դուք բազմիցս, կամա թե ակամա, համեմատել եք Ձեզ Քրիստոսի և Աստծու հետ): Խնդիրը սխալվելը չէ: Ձեր նամակում բոլորին փորձում եք համոզել, որ միայն այդ «սխալների» շնորհիվ հնարավոր եղավ անել այն ինչը տեղի ունեցավ 2018թ ապրիլ-մայիսին: Բայց ոչ ոք չի քննարկում դա լավ էր թե՞ վատ, ճիշտ էր, թե ՞ սխալ: Այդ ժամանակ Դուք ճիշտ էիք, գոնե այն պարզ պատճառով, որ «հաղթողներին չեն դատում»: Խնդիրը հենց նրանում է, որ Դուք մնացել եք 2018-ի տակ, ինչպես այն դերասանները, որոնք մնում են մեկ դերի տակ: Նման օրինակներ շատ կան: Օրինակ ինչպես Վլ. Մսրյանը մնաց Պագանինիի տակ, իսկ Սմոկտունովսկին` Համլետի: Ի դեպ, հեղափոխությունների պատմության փորձը ցույց է տալիս, որ ոչ մի հեղափոխական չի կարողանում դառնալ լավ կառավարիչ: Ավելին, առավել ազնիվ հեղափոխականները` Չէ Գեվարան, իրենց միսիան կատարելուց հետո ընդհանրապես հրաժարվում են աշխարիկ վայելքներից:

Դուք խոսում եք վճռականությունից: Հետ հայացք գցեք վերջին երկու տարիներին: Հեղափոխությունից հետո Ձեր և Ձեր թիմի վճռականությունը հօդս է ցնդել: Ամուլսարի խնդիրը, դատական իշխանության բարեփոխումները, սեփական կադրերի ձեռք «կրակն ընկնելը», հրապարակում և բազմաթիվ live-երում հնչեցրած խոստումներից հրաժարվելը, ներդրումների իսպառ բացակայությունը և էլի շատ օրինակներ գալիս են ապացուցելու վճռականության ի սպառ բացակայությունը: Կարծում եմ, որ վաղուց ժամանակն է ստատուս գրելուց և live-երից անցնել աշխատանքի:

Հարգանքով ՀՀ քաղաքացի Կարեն Քոչարյան

Հ.Գ. մի խնդրանք ևս: Փոխեք Ձեր բառապաշարը: Երկրի առաջին դեմքին վայել չէ օգտագործել «դոմփել, ասֆալտին փռել, գլուխները պատով են տվել» և այլ նմանատիպ ֆրազները: Հակառակ դեպքում շատ արագ կպարզեք, որ «գլուխները պատով են տվել» միայն նրանք, ովքեր հավատացել են Ձեզ:

ԱԺ ԲՀԿ-ական պատգամավոր Գևորգ Պետրոսյանը գրել է․

«Հլը տես հա...

Ուրեմն հլը ինչ ա ասում էս ԼԳԲՏ-ն (նկատի ունեմ՝ լեզուների գիտակ բախտավոր տղան)...
Ասում ա՝ «Ես հեղափոխության առաջամարտիկներից եմ, ուստի ես պետք ա որոշեմ, թե իմ հրաժարականի հիմքեր կան, թե՝ ոչ»...
Արա՜, ա՜յ բախտավոր տղա, այսինքն՝ կապ չունի, որ քեզ վստահված բոլոր ոլորտները ձախողել ես, կարևորը քեզ տանջելով քայլել ե՞ս...
Դե հիմա գնահատեք այս արագաշարժ մարդու բարոյականության չափն ու պետական մտածողության աստիճանը...

Գյուղացու խաղողը 150 դրամով չընդունելը հանցագործություն է այդ նույն գյուղացու նկատմամբ. գյուղացին ուղղակի այդպես կկործանվի։ 168 TV-ի «Ռեվյու» հաղորդաշարի եթերում ասել է «Ժողովրդավարական Արարատ» հասարակական կազմակերպության նախագահ Հենրիկ Ավագյանը:

«Պահանջում ենք հանդիպում վարչապետի հետ, ուզում ենք որոշել խաղողի մթերման մի կայուն գին, պատկան կառույցներից մեզ որևէ մեկը որևէ բան չի առաջարկում, անգամ չեն էլ փորձում հարցը լուծելու տարբերակ առաջարկել, վերացրեցին Գյուղնախարարությունը, դա էլ չկա, որ այնտեղից գան ու գյուղացուն մի բան ասեն, իսկ 150 դրամից ցածր խաղողի մթերումը հանցագործություն է, մարդիկ վարկի տակ են, չեն կարողանա ձմեռն անցկացնել»,- ասաց Ավագյանը։

 Դիտարկմանը, թե երեկ Ազգային ժողով-կառավարություն հարցուպատասխանի ժամանակ էկոնոմիկայի նախարար Տիգրան Խաչատրյանը նշել է, որ խաղողի մթերման 100 դրամ գնի մասին լուրը թյուրիմացություն է, և մթերման իրեն հայտնի գինը 135 դրամն է, Հենրիկ Ավագյանն ասաց.

«Այդ 135 դրամով դեռ որևէ մեկը խաղող չի մթերել, բայց մթերել են 92 դրամով, մի՞թե կարելի է սուտ խոսել այդ կարգի։ Նախարարին հերքում եմ, սուտ է ասում։ Սամվել Ալեքսանյանը մեր Արտաշատում տրիկոտաժի գործարանը դարձրել է խաղողի մթերման գործարան և երեկ 5-6 տոննա խաղող է մթերել 92 դրամով։ Խաղողագործին գործարանից ասել են՝ գրադուսը ցածր է, և դա՝ այն դեպքում, երբ մարդը խաղողը քաղելուց առաջ եկել է գործարան, ասել՝ գրադուս տվեք՝ իմանամ՝ քաղե՞մ, թե՞ ոչ, ասել են՝ նորմալ է, գնա քաղի բեր, և երեկ մարդուն այն վիճակում են դրել, որ ինչ գնով էլ ասեին, պետք է խաղողը հանձներ, հո այդ 6 տոննա խաղողը չէ՞ր ուտելու, ընդունել են 92 դրամով»,- ասաց Ավագյանը։

Ըստ մեր զրուցակցի՝ վերամշակող բոլոր գործարանները խաղողագործների հետ նախապես պայմանագրերում գին չեն նշում, ինչն էլ հնարավորություն է տալիս մթերողներին վերջում սահմանել այնպիսի գին, որը ձեռնտու չէ խաղողագործին։

«Ինչո՞ւ գին չեք նշում, գին նշեք, մարդն իմանա՝ խաղողն աճեցնի՞, թե՞ ոչ։ Գործարաններն այդպես են անում, որովհետև իրենք էժան սպիրտով են աշխատում, դա է պատճառը, որ խաղողը չեն ուզում, և ոչ թե այն, որ տեղ չունեն։ Հարց է առաջանում, բա էդ գործարանը ինչի՞ են տվել Սամվել Ալեքսանյանին, եթե խաղողը չեն մթերում, մի 30 հեկտարանոց գործարանը կոպեկներով տրամադրել են, հիմա էլ ուզում է մարդկանց խաղողն էլ կոպեկներով ընդունի։ Հիմա էլ կոպեկներով խաղողի այգիներ է առնում, բոլորին ասում է՝ ձեր այգիները ծախեք՝ առնեմ։ Նույնն է նաև Պռոշյանի գործարանը, այգիներ է հիմնել, գյուղացուն ասում է՝ իմ այգին ունեմ, ձեր խաղողը ինչո՞ւ մթերեմ։ Հենց այստեղ է, որ կառավարությունը մեծ անելիք ունի»,- ասաց Ավագյանը։

Այսօր՝ սեպտեմբերի 17-ին, խոշոր ու ողբերգական ավտովթար է տեղի ունեցել Կոտայքի մարզում: Այս մասին հայտնում է SHAMSHYAN.com-ը:

Ժամը 21:00-ի սահմաններում Երևան-Սևան ավտոճանապարհի 21-րդ կմ հատվածում՝ Չայնիի ոլորաններում, ճակատ-ճակատի բախվել են Geely և Opel մակնիշի ավտոմեքենաները:

Վթարի հետևանքով 1 հոգի տեղում մահացել է, 3 հոգի մարմնական վնասվածքներով օպերատիվորեն դեպքի վայր ժամանած շտապօգնության բժիշկների կողմից նախ տեղում առաջին բուժօգնությունն են ստացել, ապա տեղափոխվել հիվանդանոցներ:

Փրկարարները հոսանքազրկել են ավտոմեքենաները և սահմանազատել տարածքը: Ոստիկանությունն ու քննչական բաժինը պարզում են մահացածի, վարորդների և վիրավորների ինքնությունը:

Պարեկային ծառայություն իրականացնող յուրաքանչյուր ոստիկանի հանձնարարված է օրական առնվազն 30 մարդու տուգանել դիմակ չկրելու համար: Այս մասին իր ֆեյսբուքյան էջում գրել է «Հայրենիք» կուսակցության վարչության անդամ Արսեն Բաբայանը:

«Պարեկային ծառայություն իրականացնող յուրաքանչյուր ոստիկանի հանձնարարված է օրական առնվազն 30 մարդու տուգանել դիմակ չկրելու համար:

Սրա մասին նախկինում շատ եմ ակնարկել, սակայն դժգոհող ոստիկանները վախենում էին իրենց անունները բարձրաձայնելուց:

Այսօր ձեռքումս է հայտնվել սրա ապացույցը:

Այսօր ամսի 17-ն է, իսկ ոստիկանը դիմակ չկրելու համար արձանագրությունը կազմել է ամսի 18-ով: Երբ տուգանվող քաղաքացին հուշել է, որ այսօր 17-ն է, ոչ թե 18-ը, արձանագրություն կազմող ոստիկանը հայտնել է, որ այսօրվա տուգանքների իր վրա դրված քանակի պարտքը կատարել է, ուստի թեթևցնում է վաղվա իր աշխատանքը»,- գրել է նա:

Yerevan.Today–ը գրում է. «Ակլոհոլային թունավորման արտառոց դեպքից հետո պարզվում է, որ նույն մահաբեր մեթիլային սպիտով նաև ալկոգել է պատրաստվել և մտել շուկա: Ինչես և սպասվում էր, այս մասին Yerevan.Today-ի հրապարակումը հանրային մեծ հնչեղություն ստացավ: Նկատենք՝ մինչ օրս Ազգային անվտանգության ծառայությունը լուռ է, կասկածելիորեն նույն լռությունն է պահպանում «ժողովրդի» վարչապետը, երկրի թիվ մեկ դեմքը առհասարակ անդրադարձ չի կատարել մեկ դեպքով 48 խեղված կյանքերին (21 մահվան դեպքին) ու պետական կառույցների անպատասխանատու վարքագծին:

Մեթիլ համարվող վտագավոր հումքը, որի ներկրման ու սահամանային անցակետով ներս թողնելու համար, ըստ ընթացակարգի, պարտադիր պետք է ԱԱԾ թույլտվություն ստանա։ Բայց դեպքից 19 օր անց ներկրողի թելը, չգիտես ինչու, չեն գտնում, բանտում են հայտնվել հումքի ընդամենը 1 տոննան շրջանառողները, այսինքն, այս պահին պատասխանատվության են ենթարկվում ներկրված մեծածավալ հումքի ընդամենը մի փոքր մասը վերավաճառած անձինք։

Իսկ ո՞ւր է տանում թունավոր հումքի թելը...

Ինչո՞ւ է այսքան ժամանակ լռում ՊԵԿ նախագահի տեղակալ, գլխավոր մաքսապետ Շուշան Ներսիսյանը, ով, ըստ մամուլի հրապարակումների, Փաշինյանի կնոջ՝ Աննա Հակոբյանի ընկերուհին է։

Թունավոր հումքով ալկոգելի պատրաստման մասին մեր հրապարակումից հետո քաղաքացիները մեղադրում էին մեզ, թե ինչու նյութում չէինք հրապարակել այդ ախտահանիչ նյութի անունը՝ շիշը, որպեսզի օգնենք մարդկանց չգնել այն:

Հիշեցնենք, թունավոր ալկոգելի մասին տեղեկատվությունն ստացել էինք ալկոհոլային թունավորման դեպքով կալանավորված Ավետիք Վարդանյանի փատաբան Վարդգես Գևորգյանից․ նա  Yerevan.Today-ին տված հարցազրույցում հայտնել էր, որ տվյալ սպիրտային հումքը որը հետագայում մարդկային մահերի ու խաթարված առողջության պատճառ է դարձել, իր պաշտպանյալ Ավետիքը ձեռք է բերել պարբերաբար նույն անձից ու դրանից քանիցս ախտահանիչ նյութ է արտադրել-մտցրել շուկա՝ վտահ լինելով, որ այն վտանգավոր չէ:

Մինչդեռ Քննչական կոմիտեն Yerevan.Today-ին տված պաշտոնական պատասխանում հայտնում է, որ «փորձանմուշներ վերցվել են նաև Ավետիք Վարդանյանի մատնանշած վայրից առգրավված սպիրտից, որում ևս հայտնաբերվել է մեծ քանակությամբ մեթիլ սպիրտ»:

Նկատենք՝ ՔԿ-ն մինչ օրս զգուշավոր «գաղտնապահությամբ» չի հայտարարում, որ իրականում Արմավիրում գրանցված ալկոհոլային թունավորման դեպքից հետո Երևանում, Կոտայքում, Մասիսում հաջորդիվ գրանցված մահվան թեպքերը ամենևին էլ կոնյակագործ Աշոտ Հովսեփյանի մատնահետքերով չեն, սրանք բոլորն իրականում առանձին դրվագներով լրիվ տարբեր հանգամանքներում կատարված դեպքեր են։

Մեր հետաքննությամբ պարզել ենք ենթադրյալ թունավոր ալկոգելի անվանումը` «Bariton»։

Այն տարածված է շուկայում և ցավալիորեն, անգամ այս պահին, մեր տեղեկատվությամբ, տեսչական մարմինների միջոցով չի հավաքագրվել խանութներից։ Անգամ առկա է մեծածախ առևտրի մեկ-երկու կետում։ Ավելին, List.am վաճառքի պոպուլյար հայտարարությունների կայքում այն ևս ակտիվ շրջանառվում է...

Արտադրող ընկերություն, որպես այդպիսին, գրանցված է  «Վարդուհի Բագրատյան» ԱՁ-ով: Արդարադատության նախարարության պետռեգիստրի տվյալներից տեղեկանում ենք, որ գրանցված է  2020 թվականի հուլիսին,  զբաղվում է լվացման և մաքրման նյութերի արտադրությամբ, գործունեության վայրը՝ Արարատի մարզ, Վերին Արտաշատ գյուղ: Վերջին լիցենզիան ձեռնարկատերն ստացել է Ստանդարտների ազգային ինստիտուտից՝ պանդեմիայի բռնկման օրերին․ ընդ որում՝ երեք տարի ժամկետով և նույն թեմատիկայի շրջանակներում, այսինքն՝ Արտաշատում բացված ընկերությունը պետք է զբաղվեր հակաբակտերյալ էֆեկտով կոսմետիկական ժելեի արտադրությամբ, ու փաստորեն զբաղվել է...

Ուշագրավ է թունավորման  արտառոց դեպքի մասով Սննդի անվտանգության տեսչական մարմնի վարքագիծը: ՍԱՏՄ-ն  թունավոր հումքով պատրաստված ալկոհոլային խմիչքի  սպառման, դրա հետևանքով գրանցված մահերից հետո հայտարարել է, թե արտադրողը մեր սննդի օպերատորների շղթայում գրանցված չէ, հետևապես` չի եղել մեր վերահսկողության տիրույթում: Ասել կուզի՝ հանցագործը պարտավոր է սկզբում գնալ ոստիկանություն գրանցվել, որ հետո ոստիկանությունը կարողանա բռնել իրեն՝ գողության պահին... սա տարրական անփութություն ու անպատասխանատվություն է ՍԱՏՄ պետ Գեորգի Ավետիսյանի կողմից՝ սեփական պաշտոնի ու դրանից բխող պարտականությունների նկատմամբ: Բայց ամենից կարևորը նրա անպատասխանատվության ու կատարված ծանր դեպքերի արանքում մարդկանց անվտանգությունն է, որ, իբր, պիտի երաշխավորի ՍԱՏՄ կոչվող կառավարության օղակն իր բոլոր լիազորություններով:

Ինչպե՞ս է թունավոր մեթիլը դարձել խմիչք (տեխնիկական սպիրտ է ու օգտագործվում է բացառապես ներկերում, լակերում)։ Ներկրվող թունավոր հումքը ի՞նչ ընթացակարգով էվերահսկվում վերահսկվում ՍԱՏՄ-ի կողմից․ YerevanToday-ին այս կառույցից հետևյալն են հայտնել. «Մեթանոլ սպիրտը ներմուծվում է արտադրական նպատակներով և մեր վերահսկողության տիրույթում չէ: Իսկ օղին, որպես ցածր ռիսկայնությամբ սննդամթերք, լաբորատոր փորձաքննության չի ենթարկվում, ստուգվում են ուղեկցող փաստաթղթերը: Շեղումների դեպքում տվյալ խմբաքանակը երկիր չի մտնում»:

Հարց է առաջանում, իսկ ո՞ւր է նայում պետությունը, երբ ունենք միանգամից 21 մահ ու նույնքան ծայրահեղ ծանր հիվանդներ, ու թունավոր հումքը դեռ տարածվում է։ ՔԿ-ն մեզ տված պաշտոնական գրությամբ հաստատում է, որ սպրիտը դեռ տարածվում է, ու ներկրողը հայտնաբերված չէ: Այսինքն, ՔԿ-ն իր պետական համակարգի խողովակներով՝ ՊԵԿ, ԱԱԾ, Առողջապահության նախարարություն, չի կարողանում պարզել՝ թունավոր սպիրտի 6 ներկրողներից  ով է հանցավոր կերպով այն խաբեությամբ դարձրել սննդային օղակի մաս ու դրանով խորտակել մարդկային կյանքեր:

Ի դեպ, Պետեկամուտների կոմիտեն Yerevan.Today-ի հարցմանն ի պատասխան հայտնում է, որ մեթիլ (մեթիլ պարունակող) սպիրտ ներկրում է 6 ընկերություն՝ խուսափելով, սակայն, հանրայնացնել ներկրողների անունները»։

ՔՊ գրասենյակում շարունակվում է կուսակցության նիստը, որին մասնակցում է նաև վարչապետ Նիկոլ Փաշինյանը, սակայն պատգամավոր Սասուն Միքայելյանը, չսպասելով ավարտին, լքեց այն:

Նա չպատասխանեց լրագրողների հարցերին, արագ քայլերով նստեց մեքենան և անհապաղ հեռացավ:

 Նյութի աղբյուրը՝ hraparak.am

«ՎԵՏՕ» հասարակական-քաղաքական շարժման ղեկավար Նարեկ Մալյանն իր էջում գրում է.

«Եթե փողոցային լեքսիկոնը հանենք ԿԳՄՍ նախարարի շուրջ ծավալված վերջին օրերի քաղաքական դեբատներից ու թողնենք միայն ռացիոնալ բովանդակությունը, ապա ստացվում է հետևյալ պատկերը՝

 Հանրության մեծամասնությունը, նույնիսկ միմյանցից ծայրահեղ տարբեր քաղաքական ուժեր և անհատներ պահանջում են ԿԳՄՍ նախարարի հրաժարականը և ծանրակշիռ հիմնավորումներ են ներկայացնում այդ պահանջի վերաբերյալ:

Իշխանության դիրքորոշումը այդ պահանջի շուրջ առանձնապես չի տարբերվում մեկ տարի առաջվա դիրքորոշումից: Անցյալ աշնանը վարչապետ Նիկոլ Փաշինյանը հրապարակային հայտարարեց, որ նույնիսկ եթե հազարավոր մարդիկ փողոց դուրս գան Արայիկ Հարությունյանի հրաժարականի պահանջով, միևնույն է դա տեղի չի ունենա և որ Արայիկ Հարությունյանը վայելում է ՀՀ իշխանության և անձամբ վարչապետի քաղաքական հովանավորությունը:

Երեկ և այսօր ելույթներով ու ՖԲ գրառումներով վարչապետը կրկնեց իր անցյալ տարվա միտքը:

Սա նշանակում է, որ պաշտոնապես հայտարարվեց, որ Արայիկ Հարությունյանը իրականացնում է իր քաղաքական թիմի օրակարգը և ըստ ՔՊ գնահատականի իրականացնում է լավ և որպես դրա արդյունք ԿԳՄՍ նախարարի հրաժարականը տեղի կունենա միայն ամբողջ իշխանության հեռանալու պարագայում, կամ եթե նույնիսկ այդ հրաժարականը ինչ որ մի օր տեղի ունենա, որի հավանականությունը համարյա բացառվում է, ապա հաջորդ ԿԳՄՍ նախարարից իշխող քաղաքական թիմի պահանջները լինելու է նույնը ինչ Արայիկ հարությունյանից, այսինքն ըստ էության որևէ խնդիր չի լուծվի նույնիսկ Արայիկ Հարությունյանի հեռանալով:

Սա իր հերթին նշանակում է, որ այսուհետ բոլոր այն քաղաքական ուժերը ովքեր կկենտրոնանան բացառապես Արայիկ Հարությունյանի հրաժարականի պահանջի շուրջ այլևս օրակարգ չունեն, որովհետև այս պահից սկսած կամ պահանջում ես ընդհանուր կառավարության հրաժարականը և իշխանության փոփոխություն, կամ զբաղվում ես քաղաքական մաստուրբացիայով՝ այսինքն այնպիսի պրոցեսներով, որոնցից ոչինչ չի ծնվում:

Պետք է արձանագրել, որ իշխանությունը այստեղ ավելի անկեղծ է քան ԿԳՄՍ նախարարի հրաժարականը պահանջող շատ ուժեր:

Իշխանությունը անկեղծ ասում է Արայիկ Հարությունյանից որևէ դժգոհություն չկա, Արայիկը ամեն բան իրենց տեսանկյունից ճիշտ է անում և նրա թիկունքը ապահովում է ՔՊ քաղաքական թիմը»:

Latest Tweets

@envato_help Ticket id : #2023134 Created date 1 month ago. Please, look in to this.
DigiQole now 2x Faster and GT Metrix Page Speed 98% !! We optimized DigiQole for High Performance… https://t.co/ZnE3IRV3Ou
Want to run Webinars and Meetings inside an online course format? Then incorporate Zoom service with Turitor WP Edu… https://t.co/KlwEX0VTrE
Follow Themewinter on Twitter