Դժվարն անցել է, թշնամին օդային գերակայություն այլևս չունի, պետք է համբերենք ու սպասենք նոր հաջողությունների․ Կոմանդոս

Դժվարն անցել է, թշնամին օդային գերակայություն այլևս չունի, պետք է համբերենք ու սպասենք նոր հաջողությունների․ Կոմանդոս

By Հոկտեմբերի 24, 2020 144

Մեր բանակին վերջին օրերին հաջողվում է կասեցնել թշնամու առաջախաղացումը, ունենք ակնհայտ հաջողություն, այլևս օդային գերակայություն չունեն։ Այս մասին Tert.am-ի հետ զրույցում ասաց Արցախի հերոս, գեներալ-մայոր Արկադի Տեր-Թադևոսյանը։

«Դժվար պահերը, իմ կարծիքով, անցել են, հիմա մենք պետք է սպասենք նոր հաջողությունների։ Գիտեք, շատ թեժ մարտեր էին, ադրբեջանցիները ծրագրում էին մի քանի օրվա մեջ վերցնել Լաչինը, բայց դիմակայեցինք։ Հարվային հատվածից առհասարակ վաղը, մյուսը օրը հետ կշպրտվեն։ Կռիվ է, կարող ենք ունենալ նաև մարտավարական նահանջներ, որոնց կհաջորդեն հաջողությունները։ Երկարատև կռիվ է, ամեն ինչի էլ պատրաստ պիտի լինենք, պետք է համաբերել»,-ասաց նա։

Գեներալը նշեց, որ պետք է հաշվի առնել, որ Թուրքիան ու ահաբեկիչներն են ներգրավված, բայց մենք, արդեն մոտ մեկ ամիս է՝ դիմակայում ենք։

«Հայաստանը խանգարում է Թուրքիային՝ իրականացնելու պանթուրքիզմի իր գաղափարը։ Թուրքիան կրկին ցեղասպանության է ձգտում»,-ասաց նա։

Անդրադառնալով Արցախի նախագահ Արայիկ Հարությունյանի՝ ՌԴ նախագահին ուղղված նամակին՝ Արկադի Տեր-Թադևոսյանն ասաց․

«Արայիկ Հարությունյանը զենքը ձեռքը պաշտպանել է Արցախը 1992 թ․, իրեն լավ գիտեմ, չգիտեմ դիվանագիտական տեսանկյունից ինչ է եղել, բայց այդ պահին երևի դա է անհրաժեշտ համարել»,-ասաց նա։ Ըստ նրա՝ ռուսների հետ պետք է շուտ լեզու գտնեինք։

Ինչ վերաբերում է խաղաղապահների տեղակայման հնարավորությանը, ապա գեներալը նշեց, որ ոչ մի երկրում խաղաղապահները դրական դեր չեն կատարել։

Rate this item
(0 votes)