Քաղաքականություն | Տնտեսություն | Տարածաշրջան | Կյանք և առողջություն | Սպորտ | Երաժշտություն


Մոուրինյոն գովել է Պոգբային

Բաժին: Սպորտ
Մոուրինյոն գովել է Պոգբային
«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն գովել է անգլիական թիմի ֆրանսիացի կիսապաշտպան Պոլ Պոգբային, որը հազվադեպ է հայտնվում մեկնարկային կազմում: Իսպանական «Սեւիլիայի» դեմ Չեմպիոնների լիգայի 1/8 եզրափակիչի առաջին խաղում Պոգբան 17-րդ րոպեին փոխարինել էր վնասվածք ստացած իսպանացի Անդեր Էրերային:
«Դուք տեսել եք «Սեւիլիայի» հետ խաղը: Միշտ ավելի բարդ է փոխարինման դուրս գալ, քան լինել մեկնարկային կազմում: Հեշտ չէ դուրս գալ խաղադաշտ 15-րդ րոպեին եւ որսալ խաղի ռիթմը: Նա շատ դրական խաղ ունեցավ: Երբեմն պահեստային խաղացողը 5 րոպե պատրաստվում է փոխարինմանը, իսկ Պոգբան դա արեց 10 վայրկյանում եւ ցուցադրեց պրոֆեսիոնալիզմ: Նա պրոֆեսիոնալ մոտեցում դրսեւորեց նաեւ «Հադերսֆիլդի» դեմ Անգլիայի առաջնության խաղում փոխարինման դուրս գալուց»,- Մոուրինյոյի խոսքը մեջբերում է BBC-ն:
Հիշեցնենք, որ «Սեւիլիայի» հետ հանդիպումն ավարտվել է 0:0 հաշվով:
Ֆոտո՝ facebook.com/manchesterunited

Նյութի աղբյուրը՝ sport.news.am