Քաղաքականություն | Տնտեսություն | Տարածաշրջան | Կյանք և առողջություն | Սպորտ | Երաժշտություն


Բժիշկը պատմել է Թրամփի սթրեսակայունության մասին. Նա հոգեկան խանգարումներ չունի

Բաժին: ԱՄՆ
 Բժիշկը պատմել է Թրամփի սթրեսակայունության մասին. Նա հոգեկան խանգարումներ չունի
ԱՄՆ նախագահ Դոնալդ Թրամփը օժտված է առավոտյան արթնանալու եւ «վերբեռնվելու» եզակի հատկությամբ՝ ազատվելով կուտակված սթրեսից: Այս մասին ճեպազրույցի ժամանակ լրագրողներին ասել է նրա բուժող բժիշկ Ռոնի Ջեքսոնը, փոխանցում է «ՌԻԱ Նովոստի»-ն:
«Ես երբեք չեմ տեսել, որ նախագահը չափից ավելի մեծ սթրեսի ենթարկվի… Նա շատ եզակի հատկությամբ է օժտված՝ առավոտյան արթնանալ եւ վերբեռնվել… եւ նա ուղղակի նոր օր է սկսում: Ընդհանուր առմամբ, ես կարծում եմ, որ սա նրան օգնում է հաղթահարել սթրեսի մակարդակը»,- նշել է Ջեքսոնը:
Նրա խոսքով՝ այն փաստը, որ Թրամփը չի խմում եւ չի ծխում, մեծ ավանդ ունի նրա առողջական վիճակի մեջ:
«Նա հոյակապ կարդիո ցուցանիշներ ունի»,- նշել է Թրամփի բուժող բժիշկը:
Նա հերքել է ԱՄՆ նախագահի հոգեկան հնարավոր շեղումների մասին ցանկացած ակնարկ: Ջեքսոնի խոսքով՝ Սպիտակ տան ղեկավարն ինքն է անձամբ պնդել հոգեկան վիճակի զննում կատարել, չնայած այն նախապես չէր նախատեսվել:
Բժիշկն ընդգծել է, որ ԱՄՆ նախագահը «չափազանց հաջող» է անցել հոգեվիճակի թեստը, եւ նրա մոտ «բացարձակապես ոչ մի հոգեկան խանգարում չկա»:
«Ես նրան ամեն օր եմ հանդիպում եւ ոչ մի անհանգստություն չեմ ունեցել նրա կոգնիտիվ ունակությունների կամ նեւրոլոգիական ֆունկցիաների առիթով»,- հավելել է Ջեքսոնը:

Նյութի աղբյուրը՝ news.am