Բարձր տագնապայնությունը կարող է Ալցհեյմերի հիվանդության նշան լինել. հետազոտություն » Lurer24.com
Քաղաքականություն | Տնտեսություն | Տարածաշրջան | Կյանք և առողջություն | Սպորտ | Երաժշտություն


Բարձր տագնապայնությունը կարող է Ալցհեյմերի հիվանդության նշան լինել. հետազոտություն

Բաժին: Կյանք և առաղջություն
Բարձր տագնապայնությունը կարող է Ալցհեյմերի հիվանդության նշան լինել. հետազոտություն
Բարձր տագնապայնությունը կարող է Ալցհեյմերի հիվանդության սկզբի նշան լինել: Այս մասին հայտնում են Բրիգամի կանացի հոսպիտալի աշխատակիցները, որոնք վերլուծել են գրեթե 300 տարեց մարդկանց տվյալները եւ սերտ կապ հայտնաբերել տագնապի ու սպիտակուցի միջեւ, որն ուղեղում կուտակվում է դեմենցիայի դեպքում:
Ուղեղում ամիլոիդային վահանիկները հայտնվում են Ալցհեյմերի հիվանդությանը հատուկ ախտանիշների առաջացումից ավելի վաղ, ինչպիսին են հիշողության խնդիրները: Սակայն հիվանդների բնավորությունը եւ տրամադրությունը սկսում են փոխվել բավականին վաղ, պարզապես ոչ բոլորն են դրա վրա ուշադրություն դարձնում եւ հասկանում, որ դա կարող է վերահաս տկարամտության ախտանիշ լինել:
Հետազոտողները դեպրեսիայի 30 ախտանիշների արտահայտվածությունը համեմատել են մասնակիցների ուղեղի սքանավորման տվյալների հետ: Նրանք փոփոխություններին հետեւել են գրեթե 5 տարի: Պարզվել է, որ ուղեղում տոքսիկ սպիտակուցի կուտակման չափից կախված կամավորների մոտ տագնապի մակարդակն աճել է: Հետազոտողները եզրակացրել են, որ տագնապը կարող է լինել դեմենցիայի առաջին նշանը:
Գիտնականները հույս ունեն, որ իրենց հայտնագործությունը կօգնի դեմենցիայի դեմ պայքարում:

Նյութի աղբյուրը՝ med.news.am