Քաղաքականություն | Տնտեսություն | Տարածաշրջան | Կյանք և առողջություն | Սպորտ | Երաժշտություն


Նոր մանրամասներ Սեւանում կատարված կրկնակի սպանությունից

Բաժին: Հայաստան
Նոր մանրամասներ Սեւանում կատարված կրկնակի սպանությունից
Ոստիկանությունը նոր մանրամասներ է հայտնել Սեւանա լճի լողափին տեղի ուենցած արյունոտ միջադեպից։
Սեւանա լճի լողափերից մեկում ծագած ծեծկռտուքի վերաբերյալ ահազանգը ոստիկանության Երեւան քաղաքի վարչության օպերատիվ կառավարման կենտրոնում ստացվեց հուլիսի 30-ին, ժամը 19-ի սահմաններում: Տասնհինգ րոպե անց «Սեւան» բժշկական կենտրոնից հաղորդում ստացվեց, որ իրենց մոտ է տեղափոխվել 1957 թ. ծնված Աշոտ Հովհաննիսյանի դիակը:
Ոստիկանության քրեական հետախուզության գլխավոր, Գեղարքունիքի մարզային վարչությունների եւ Սեւանի բաժնի ծառայողների օպերատիվ-հետախուզական միջոցառումների շնորհիվ պարզվել է, որ նույն օրը, ժամը 18.50-ի սահմաններում, լողափում ծեծկռտուք է տեղի ունեցել Աշոտ Հովհաննիսյանի, նրա երկու որդիների եւ 1989 թ. ծնված Դավիթ Առաքելյանի ու նրա ընկերների միջեւ, ինչից հետո Աշոտ Հովհաննիսյանը մահացած տեղափոխվել է հիվանդանոց:
Աշոտ Հովհաննիսյանի որդին՝ 1981 թ. ծնված Էդգար Հ.-ն, հետապնդել եւ ժամը 19.05-ի սահմաններում Երեւան-Սեւան-Իջեւան ճանապարհի 62-րդ կմ-ում գտնվող ճանապարհի բանուկ մասում Դավիթ Առաքելյանին իջեցրել է «Մերսեդես» ավտոմեքենայից ու որսորդական հրացանով կրակել նրա վրա: Վերջինս գլխի շրջանում ստացել է մահացու հրազենային վիրավորում:
Էդգար Հ.-ն ժամը 20.05-ին մեղայականով ներկայացել է Սեւանի բաժին եւ ներկայացրել իր անվամբ հաշվառված որսորդական հրացանը:
Նշանակվել են համալիր փորձաքննություններ:
Էդգար Հ.-ն ձերբակալված է:
Կատարվում է նախաքննություն:

Նյութի աղբյուրը՝ news.am